ବାଲିଗୁଡା(ଏଟିଆର ବ୍ୟୁରୋ): ପୁଣି ପ୍ରାବାସୀ ଓଡିଆଙ୍କୁ ନେଇକି ଆସୁଥିବା ବସ ଦୁର୍ଘଟଣା ଗ୍ରସ୍ତ ହୋଇଛି । ଦୁର୍ଘଟଣାରେ ୩ଜଣ ଗୁରୁତର ହୋଇଥିବା ବେଳେ ୧୦ଜଣ ଆହତ ହୋଇଛନ୍ତି । ସୂଚନା ଅନୁସାରେ ଏକ ବସ ଗୋଆରୁ ପ୍ରବାସୀ ଓଡିଆଙ୍କୁ ଧରିକି ଆସୁଥିବା ବେଳେ ଦୁର୍ଘଟଣାର ଶିକାର ହୋଇଛି । ଏଭଳି ଘଟଣା ଘଟିଛି କନ୍ଧମାଳ ଜିଲ୍ଲା ତୁମୁଡିବନ୍ଦ ଥାନା ଅନ୍ତର୍ଗତ ମୁଣ୍ଡିଗଡ ତିନାରି ପଡା ଗାଁରେ । ଗତକାଲି ବିଳମ୍ବିତ ରାତିରେ ଟ୍ରାକ୍ ଓ ବସ ମଧ୍ୟରେ ମୁହାଁମୁହିଁ ଧାକ୍କା ହୋଇଛି । ଦୁର୍ଘଟଣାରେ ଆହତ ହୋଇଥିବା ଲୋକ ମାନଙ୍କୁ ସ୍ଥାନୀୟ ବାସିନ୍ଦା ଉଦ୍ଧାର କରି ମେଡିକାଲରେ ଭର୍ତ୍ତି କରିଛନ୍ତି ।
ସୂଚନା ଯୋଗ୍ୟ କରୋନା ମହାମାରୀର ମୁକାବିଲା କରିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଦୁଇ ମାସରୁ ଅଧିକ ଦିନ ହେବ ଲକ୍ ଡାଉନ ଘୋଷଣା କରାଯାଇଛି । ଫଳରେ ବହୁ ପ୍ରାବାସୀ ମାନେ ବାହାର ରାଜ୍ୟରେ ଫସି ହୋଇ ରହିଛନ୍ତି । ସେମାନଙ୍କୁ ଆଣିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ବସ ଓ ଟ୍ରେନ୍ ଚଳାଚଳ କରାଯାଉଛି । ଏହା ସହ ପ୍ରାବାସୀ ଓଡିଆ ମାନେ ରାଜ୍ୟରେ ପହଞ୍ଚିବା ପରେ ସେମାନଙ୍କ ସ୍ୱାସ୍ଥ ପରୀକ୍ଷା କରାଯିବା ସହ ସେମାନଙ୍କୁ କ୍ୱାରାଣ୍ଟାଇନରେ ରହିବା ପାଇଁ ବ୍ୟବସ୍ଥା କରାଯାଇଛି ।
