ଭୁବନେଶ୍ୱର (ଏଟିଆର ବ୍ୟୁରୋ):ଏନଡ଼ିଏ ବିଧାୟକ ଦଳ ବୈଠକରେ ନୀତିଶ ଙ୍କୁ ନେତା ଭାବେ ନିର୍ବାଚିତ କରାଯାଇଛି ।ପ୍ରଥମେ ଜେଡ଼ିୟୁ ଓ ବିଜେପି ପୃଥକ ପୃଥକ ବୈଠକ କରିଥିବା ବେଳେ ନୀତିଶଙ୍କ ନାଁ ରେ ସହମତି ପ୍ରକାଶ ପାଇଥିଲା । ନୀତିଶଙ୍କୁ ଜେଡ଼େୟୁ ବୈଠକରେ ବିଧାୟକ ଦଳର ନେତା ଭାବେ ବଛାଯାଇଥିଲା ।ବିଧାୟକ ଦଳର ବୈଠକରେ କେନ୍ଦ୍ରୀୟ ପର୍ଯ୍ୟବେକ୍ଷକ ଭାବେ ରାଜନାଥ ସିଂ ନୀତିଶଙ୍କ ନାଁ ଘୋଷଣା କରିଥିଲେ ।
ବିହାରରେ ନିର୍ବାଚନରେ ଏନଡ଼ିଏ କୁ ୧୨୫ ଟି ଆସନ ମିଳିଛି । ଏଥର ବିଜେପି ମେଂଟରେ ବଡ଼ ଦଳ ହୋଇଥିବାର ମନ୍ତ୍ରୀମଣ୍ଡଳରେ ବିଜେପିର ଅଧିକ ସଦସ୍ୟ ରହିବେ ବୋଲି ଆଶା କରାଯାଇଛି । ବିଧାନସଭା ର ସଂଖ୍ୟା ଅନୁସାରେ ରାଜ୍ୟରେ ସର୍ବାଧିକ ୩୬ ମନ୍ତ୍ରୀ ଶପଥ ନେଇପାରିବେ । ଗତଥର ଅପେକ୍ଷା ୨୧ ଜଣ ବିଜେପି ବିଧାୟକ ବିଧାନସଭା କୁ ନିର୍ବାଚନ ହୋଇଛନ୍ତି । ଆସନ୍ତା କାଲି ସକାଳ ୧୧ ଟା ୩୦ ରେ ଶପଥ ଗ୍ରହଣ ଆୟୋଜିତ ହେବ । ଏଥିରେ ନୀତିଶଙ୍କ ସମେତ ଅନ୍ୟ ବିଧାୟକ ମାନେ ଶପଥ ନେବେ ।
