କଟକ (ଏଟିଆର ବ୍ୟୁରୋ): ସତରେ ପ୍ରେମ ନିଆରା । ଏହି ପ୍ରେମ କେତେବେଳେ, କାହା ସାଙ୍ଗରେ , କେଉଁଠି ଏବଂ କାହିଁକି ହୁଏ ତାହା କହି ହେବ ନାହିଁ । ଏଭଳି ଏକ ନିଆରା ପ୍ରେମ କାହାଣୀକୁ ନେଇ ପ୍ରସ୍ତୁତ ହେବାକୁ ଯାଉଛି ଏକ ଫିଲ୍ମ ‘ଲୋକାଲ ଟୋକା ଲଭ୍ ଚୋଖା’ । ଗତକାଲି କଟକ ସ୍ଥିତ ଖାନ୍ ନଗରଠାରେ ଏହି ଫିଲ୍ମର ଶୁଭମହୁରତ୍ ଅନୁଷ୍ଠିତ ହୋଇଯାଇଛି ।
ଓମ୍ ସାଇ ପ୍ରଡକ୍ସନ ବ୍ୟାନରରେ ନିର୍ମାଣ ହେବାକୁ ଯାଉଥିବା ଫିଲ୍ମ ‘ଲୋକାଲ ଟୋକା ଲଭ୍ ଚୋଖା’ ରେ ମୁଖ୍ୟ ଭୂମିକାରେ ନଜର ଆସିବେ ଅଭିନେତା ବାବୁସାନ୍ ଏବଂ ଅଭିନେତ୍ରୀ ସନମିରା । ଏହାମାନଙ୍କ ବ୍ୟତୀତ ମିହିର ଦାସ,ଅପରାଜିତା ମହାନ୍ତି,ପୁଷ୍ପା ପଣ୍ଡା ଏବଂ ପ୍ରଦ୍ୟୁମ୍ନ ଲେଙ୍କାଙ୍କୁ ଦେଖିବାକୁ ପାଇବେ ଦର୍ଶକ ।
ଏହି ଫିଲ୍ମର ପ୍ରଯୋଜନା ଦାୟିତ୍ୱରେ ପ୍ରଦ୍ୟୁମ୍ନ ଲେଙ୍କା ଥିବା ବେଳେ ନିର୍ଦ୍ଦେଶନା ଦେଇଛନ୍ତି ଶୁଭ୍ରାଂଶୁ ମୋହନ ସାହୁ । ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ବୈଦନାଥ ଦାସ । ଏହି ଫିଲ୍ମରେ ସର୍ବମୋଟ ୫ଟି ଗୀତ ରହିଛି । ଯାହାକୁ ଓଡିଶାର ଖ୍ୟାତନାମା ଗାୟକ ଓ ଗାୟିକା ମାନେ ସେହି ସବୁ ଗୀତରେ କଣ୍ଠଦାନ କରିଛନ୍ତି ।
