ଭୁବନେଶ୍ୱର (ଏଟିଆର ବ୍ୟୁରୋ) ; କଟକରେ ମହୁରତ ହୋଇଛି ଓଡିଆ ଚଳଚିତ୍ର ଛବିରାଣୀ । ନିରାଟ ସତ୍ୟ ଘଟଣାକ ଉପରେ ଆଧାରିତ ଏହି ଚଳଚିତ୍ର । ୮୦ ଦଶକରେ ସାମ୍ବାଦିକ ନବ ମହାପାତ୍ରଙ୍କ ସହ ହୋଇଥିବା ଗଣବଳକ୍ରାର ପରେ ହତ୍ୟା ଘଟଣାକୁ ନେଇ ନିର୍ମିତ ହେବ ଏହି ଫିଲ୍ମ । କାହାଣୀକୁ ରଙ୍ଗିନ କରିବା ପାଇଁ କିଛି କାଳ୍ପନିକ କଥାର ବ୍ୟବହାର କରିବା ନେଇ କହିଛନ୍ତି ପ୍ରଜୋଜନା ସଂସ୍ଥା ।
ଏହି ଚଳଚିତ୍ରର କାହାଣୀ,ଚିତ୍ରନାଟ୍ୟ,ନୃତ୍ୟ ଏବଂ ନିର୍ଦ୍ଧେଶନା ଦାୟିତ୍ୱ ତୁଲାଇବେ ବବି ଇସଲାମ । କାହାଣୀର ମୁଖ୍ୟ ଚରିତ୍ର ଛବିରାଣୀ ଭୂମିକାରେ ଅଭିନୟ କରିବେ ବଙ୍ଗୀୟ ଅଭିନେତ୍ରୀ ଚନ୍ଦ୍ରାଣୀ ଦାସ । ଚନ୍ଦ୍ରାଣୀଙ୍କ ହିରୋ ଭୂମିକାରେ ନବାଗତା ଅମନ ପରାଶରଙ୍କୁ ଦେଖିବାକୁ ମିଳିବ । ଖଳନାୟକ ରୋଲ ତୁଲାଇବେ ଭେଟେରିଆନ ଅଭିନେତା ମିହିରି ଦାସ । ଏହି ଫିଲ୍ମ ଜରିଆରେ ବହୁ ଦିନ ପରେ ଗୋଟିଏ ପରଦାରେ ଓଲିଉଡ ଜଗତର ସୁପରଷ୍ଟାର ସିଦ୍ଧାନ୍ତ ମହାପାତ୍ର ଏବଂ ବିଗତ ଦିନର ଚୁଲବୁଲ ନାୟିକା ଅନୁ ଚୈାଧୁରୀ ନଜରକୁ ଆସିବେ ।
