ଭୁବନେଶ୍ୱର(ଏଟିଆର ବୁରୋ):ଟିଭି ଦୁନିଆରେ ଜଣେ ଖୁବ୍ ଜଣାଶୁଣା ଆଙ୍କର ହେଉଛନ୍ତି ପୁପୁଲ ଭୁୟାଁ । ସେ ଆଙ୍କରିଂ କରିବା ବ୍ୟତୀତ ମଡେଲିଂ ମଧ୍ୟ କରନ୍ତି ।
ପୁପୁଲ, ନିକଟରେ ସରିଥିବା ରିଅଲିଟି ଶୋ’ଜି-ସାର୍ଥକ ସାରେଗାମାପା ଲିଟିଲ ଚାମ୍ପ:ସ୍ୱର ଓଡିଶାରେ ନଜର ଆସିଥିଲେ । ଏହାବ୍ୟତୀତ ସେ ଅନେକ ଶୋ’ରେ ଆଙ୍କରିଂ କରିସାରିଛନ୍ତି ଯେପରିକି ଇ଼-ନ୍ୟୁଜ୍,ଇ-ଗସିପ, ଟେଲି ଟ୍ରୋଭେଲ, ଆମ ରୋଷେଇ ଘର, ଆପଣଙ୍କ ପସନ୍ଦ ଇତ୍ୟାଦି ।
ରଞ୍ଜନ ଶଶୀ ବ୍ୟାନରରେ ନିର୍ମିତ ତଥା ସରୋଜ ବାରିକଙ୍କ ନିର୍ଦ୍ଦେଶିତ ଫିଲ୍ମ ‘ଅନୁଭବ-ଏ ଲଭର ବୟ’ରେ ଏବେ ପୁପୁଲଙ୍କୁ ଦେଖିବାକୁ ମିଳିବ । ଏବଂ ପୁପୁଲଙ୍କ ବିପରୀତରେ ଅଭିନୟ କରୁଥିବାର ନଜର ଆସିବେ ସୂରଜ କୁମାର । ତାଙ୍କ ବ୍ୟତୀତ ଏହି ଫିଲ୍ମରେ ଚକ୍ରଧର ଜେନା, କାଳୀଚରଣ, ଦେବୀ ବାରିକ ପ୍ରମୁଖ ଅଛନ୍ତି । ଏହି ଫିଲ୍ମର ସଂଗୀତ ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ବୈଦନାଥ ଦାସ ।
ପୂର୍ବରୁ ୨୦୧୩ରେ ସୌମ୍ୟରଞ୍ଜନ ସାହୁଙ୍କ ଦ୍ୱାରା ନିର୍ଦ୍ଦେଶିତ ଥ୍ରିଡି ଫିଲ୍ମ କାଉଁରୀ କନ୍ୟାରେ ପୁପୁଲ ବଡ ପରଦାରେ ନଜର ଆସିଥିଲେ । ଏବଂ ଆଶା ରହିଛି ତାଙ୍କର ଆଗାମୀ ଫିଲ୍ମ ଦର୍ଶକଙ୍କୁ ଖୁବ୍ ପସନ୍ଦ ଆସିବ ।
