ଭୁବନେଶ୍ୱର (ଏଟିଆର ବ୍ୟୁରୋ): ଏବେ ଖୁବ୍ ଚର୍ଚ୍ଚାରେ ଅଛନ୍ତି ଓଲିଉଡ ଅଭିନେତ୍ରୀ ପୁପୁଲ୍ ଭୂୟାଁ । ଆକରିଂ ରେ ସଫଳତା ହାସଲ କରିବା ପରେ ସେ ଫିଲ୍ମରେ ପାଦ ଦେଇଥିଲେ । ପୁପୁଲ୍ ଏଥରକ କୌଣସି ଭଲ ଆକରିଂ ପାଇଁ ନୁହେଁ କି ଫିଲ୍ମର ମୁଖ୍ୟ ଭୂମିକା ପାଇଁ ନୁହେଁ ବରଂ ସେ ଏଥରକ ଏକ ଆଇଟମ୍ ଗୀତ ପାଇଁ ଚର୍ଚ୍ଚାରେ ଅଛନ୍ତି ।
ମା ସିଂହ ବାହିନୀ ବ୍ୟାନରରେ ପ୍ରସ୍ତୁତ ଫିଲ୍ମ ‘ବ୍ଲାକମେଲ’ର ବୋଉ… ମାରିବ ଗୀତରେ ପୁପୁଲ୍ ଙ୍କ ଜଲୱା ଦେଖିବାକୁ ମିଳିଛି । ଏଥିରେ ପୁପୁଲ୍ ଏକ କଳା ରଙ୍ଗର ଟି-ସାର୍ଟ ସହ ଜିନ୍ସ ସ୍କଟ ପିନ୍ଧି ସମ୍ପୂର୍ଣ୍ଣ ହଟ୍ ଲୁକ୍ ରେ ନଜର ଆସିଛନ୍ତି । ତାଙ୍କ ବିପକ୍ଷରେ ନଜର ଆସିଛନ୍ତି ଅର୍ଦ୍ଧେନ୍ଦୁ । ଗୀତଟିକୁ ଦର୍ଶକ ଖୁବ୍ ପସନ୍ଦ କରୁଛନ୍ତି । ଏହି ଫିଲ୍ମରେ ଏମାନଙ୍କ ବ୍ୟତୀତ ତମନ୍ନା,ଆହାନା ଏବଂ ମିହିରି ଦାସଙ୍କର ପ୍ରମୁଖ ଭୂମିକା ରହିଛି । ଫିଲ୍ମର ନିର୍ଦ୍ଦେଶନା ଅମିତ ନାୟକ ଦେଇଥିବା ବେଳେ ଏହାର ମ୍ୟୁଜିକ ଭାର ତୁଲାଇଛନ୍ତି ପ୍ରେମାନନ୍ଦ ।
