ଭୁବନେଶ୍ୱର (ଏଟିଆର ବ୍ୟୁରୋ): ଆଜି ପରଦାରେ ମୁକ୍ତିଲାଭ କରୁଛି ଓଲିଉଡ ଫିଲ୍ମ ‘ଟୋକାଟା ଫସିଗଲା’ । ଏହା ସାର୍ଥକ ମ୍ୟୁଜିକର ୨୩ତମ ଚଳଚ୍ଚିତ୍ର । ପ୍ରେମ କାହାଣୀ ଉପରେ ଆଧାରି ଏହି ଫିଲ୍ମରେ ପ୍ରଥମ ଥର ପାଇଁ ସବ୍ୟସାଚୀ ଏବଂ ଏଲିନାଙ୍କ ଯୋଡୀକୁ ଦେଖିବାକୁ ପାଇବେ ଦର୍ଶକ । ଏହାସହିତ ହାସ୍ୟ ଅଭିନେତା ପପୁ ପମ୍ ପମ୍ ଏବଂ ଲିପ୍ସା ମଧ୍ୟ ଏଥିରେ ନଜର ଆସିବେ ।
ରମେଶ ରାଉତଙ୍କ ଦ୍ୱାରା ନିର୍ଦ୍ଦେଶିତ ଏହି ଫିଲ୍ମର ପ୍ରଯୋଜନା ଦାୟିତ୍ୱରେ ଅଛନ୍ତି ସୀତାରାମ ଅଗ୍ରୱାଲ ଏବଂ ନମିତା ଅଗ୍ରୱାଲ । ଏବଂ ଏହାର ସଙ୍ଗୀତ ଭାର ତୁଲାଇଛନ୍ତି ବୈଦନାଥ ଦାସ । ଫିଲ୍ମଟି ରିଲିଜ୍ ହେବା ପୂର୍ବରୁ ଏଥିରେ ଥିବା ଗୀତ ଲୋକଙ୍କୁ ବାୟା କରିଛି । ହେଲେ ଫିଲ୍ମଟିର ଟାଇଟଲ ଅନୁଯାୟୀ ଟୋକାଟି କାହିଁକି ଫସିଲା , କେତେବେଳେ ଫସିଲା ଏବଂ କିଏ ଫସେଇଲା । ଏହି ସବୁ ଆପଣ ଫିଲ୍ମଟି ଦେଖିଲା ପରେ ହିଁ ଜାଣି ପାରିବେ ।
