ପୁରୀ(ଏଟିଆର ବ୍ୟୁରୋ): ପୂର୍ବରୁ ଶ୍ରୀମନ୍ଦିରର ଭିତର ଫଟୋ ଭାଇରାଲ ହେବାର ଦେଖିବାକୁ ମିଳିଛି । ହେଲେ ଆଜି ସୋଶିଆଲ ମିଡିଆରେ ଓଡିଆ ସିନେ ଜଗତର ଜଣେ ନାୟିକା ତାଙ୍କ ପରିବାର ଓ କିଛି ସାଙ୍ଗଙ୍କ ସହ ଆନନ୍ଦ ବଜାର ଭିତରେ ପ୍ରସାଦ ସେବନ କରୁ ଥିବା ବେଳର ଫଟୋ ଭାଇରାଲ ହେବାର ଲାଗିଛି । ଏତେ କଟକଣା ଥାଇକିବି କିଭଳି ଭାବେ ସେମାନେ ଫୋନ ନେଇକି ଶ୍ରୀମନ୍ଦିର ଭିତରକୁ ଗଲେ ତାହା ବର୍ତ୍ତମାନ ଚର୍ଚ୍ଚାର କେନ୍ଦ୍ର ବିନ୍ଦୁ ପାଲଟିଛି ।
ଏହି ଫଟୋରେ ଥିବା ନାୟିକା ଜଣଙ୍କ ହେଉଛନ୍ତି ମିଷ୍ଟର ମଜନୁର ଅନ୍ୟତମ ନାୟିକା ଦିବ୍ୟା । ଏହି ଫଟୋରେ ଦିବ୍ୟାଙ୍କ ସହ ଅନ୍ୟ ୫ଜଣ ଅଛନ୍ତି । ତେବେ ଏହି ଫଟୋଟି କିଏ ଭାଇରାଲ କଲା ତାହା ଜଣାପଡି ନାହିଁ । ପୂର୍ବରୁ ମନ୍ଦିର ଭିତରର ଫଟୋ ଭାଇରାଲ କରାଇ ଥିବା ଦଇତାପତି ମାନଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।
