କୋଲକାତା (ଏଟିଆର ବ୍ୟୁରୋ); ପୁଣିଥରେ କୋଲକାତାକୁ ଧୂଳି ଚଟାଇଲା ଦିଲ୍ଲୀ । ଶିଖର ଧାୱନଙ୍କ ଲଢ଼ୁଆ ବ୍ୟାଟିଂ ଦଳକୁ ଦେଇଛି ବଡ ବିଜୟ । ଶୁକ୍ରବାର କୋଲ୍କାତାର ଇଡେନ୍ ଗାର୍ଡେନ୍ସରେ ଶିଖର ଧାୱନ (୯୭ଞ୍ଚ, ୬୩ ବଲ୍, ୧୧ ଚୌକା, ୨ ଛକା) ଏବଂ ଋଷବ ପନ୍ତ (୪୬, ୩୧ ବଲ୍, ୪ ଚୌକା, ୨ ଛକା)ଙ୍କ ଶତକୀୟ ଭାଗୀଦାରି ବଳରେ ଦିଲ୍ଲୀ କ୍ୟାପିଟାଲ୍ସ ୭ ୱିକେଟ୍ରେ ଘରୋଇ କୋଲକାତା ନାଇଟ୍ ରାଇଡର୍ସକୁ ପରାସ୍ତ କରିଛି।
୧୭୯ ରନ୍ର ବିଜୟ ଲକ୍ଷ୍ୟକୁ ପିଛା କରିଥିବା ଦିଲ୍ଲୀ ଦଳ ତୃତୀୟ ଓଭରରେ ପୃଥ୍ବୀ ସ’ (୧୪ ରନ୍)ଙ୍କୁ ହରାଇଥିଲା। ସେ ପ୍ରସିଦ୍ଧ କୃଷ୍ଣଙ୍କ ବଲ୍ରେ ୱିକେଟ୍ରକ୍ଷକ ଦୀନେଶ କାର୍ତିକଙ୍କ ହାତରେ ଧରାପଡ଼ି ପ୍ୟାଭିଲିୟନ ଫେରିଥିଲେ। ଏହା ପରେ ଅଧିନାୟକ ଶ୍ରେୟଶ ଆୟର (୬ ରନ୍)ଙ୍କୁ ଦଳ ସଅଳ ହରାଇଥିଲା। ଆନ୍ଦ୍ରେ ରସେଲ ତାଙ୍କୁ ୱିକେଟ୍ ପଛପଟେ କାର୍ତିକଙ୍କ ହାତରେ କ୍ୟାଚ୍ କରାଇ ଦିଲ୍ଲୀକୁ ଦ୍ବିତୀୟ ଝଟକା ଦେଇଥିଲେ।
ସଂକ୍ଷିପ୍ତ ସ୍କୋର୍: କୋଲକାତା ନାଇଟ୍ ରାଇଡର୍ସ ୨୦ ଓଭରରେ ୧୭୮/୭ (ଶୁଭମ ଗିଲ୍-୬୫, ଆନ୍ଦ୍ରେ ରସେଲ-୪୫, ରବିନ ଉଥପ୍ପା-୨୮, କ୍ରିସ ମୋରିସ-୨/୩୮, କାଗିସୋ ରବାଦା-୨/୪୨, କେମୋ ପଲ୍-୨/୪୬)। ଦିଲ୍ଲୀ କ୍ୟାପିଟାଲ୍ସ ୧୮.୫ ଓଭରରେ ୧୮୦/୩ (ଶିଖର ଧାୱନ୍-୯୭ଞ୍ଚ, ଋଷବ ପନ୍ତ୍-୪୬, କଲିନ ଇନ୍ଗ୍ରାମ୍-୧୪ଞ୍ଚ, ପ୍ରସିଦ୍ଧ କୃଷ୍ଣ-୧/୨୫, ଆନ୍ଦ୍ରେ ରସେଲ-୧/୨୯, ନୀତିଶ ରାଣା-୧/୧୨)
