ତେଲେଙ୍ଗାନା(ଏଟିଆର ବ୍ୟୁରୋ):ଅଭିନେତା ପ୍ରଭାସଙ୍କ ସମସ୍ୟା କମ୍ ହେବାରେ ନାଁ ଧରୁନି । ଦୁଇ ଦିନ ତଳେ ଆଦି ପୁରୁଷ ସୁଟିଂ ସେଟ୍ ରେ ଭୀଷଣ ନିଆଁ ଲାଗିଯାଇଥିଲା । ଏବେ ପୁଣି ଥରେ ତାଙ୍କ ସହ ଦୁର୍ଘଟଣା ଘଟିଛି । ପ୍ରଭାସଙ୍କ ଆଗାମୀ ଫିଲ୍ମ ସଲାର ସୁଟିଂ ସେଟରୁ ରାତିରେ ଫେରୁଥିବା ସମୟରେ ଭ୍ୟାନ୍ ରାସ୍ତାରେ ଏକ ଟ୍ରକ୍ ସହିତ ଧକ୍କା ହୋଇଥିଲା ।
ତେଲେଙ୍ଗାନାର ଗୋଦାବରୀଖଣି ଅଞ୍ଚଳରେ ଏହି ଦୁର୍ଘଟଣା ଘଟିଛି ।ଆହତ ହୋଇଥିବା ସଦସ୍ୟମାନଙ୍କୁ ନିକଟସ୍ଥ ମମତା ହସ୍ପିଟାଲରେ ଭର୍ତ୍ତି କରାଯାଇଛି ।‘ସଲାର’ କନ୍ନଡର ବହୁଚର୍ଚ୍ଚିତ ଫିଲ୍ମ ‘କେଜିଏଫ’ ର ନିର୍ଦ୍ଦେଶକ ପ୍ରଶାନ୍ତ ନିଲ୍ ଙ୍କ ନିର୍ଦ୍ଦେଶନାରେ ପ୍ରସ୍ତୁତ ହେଉଛି । ଏହାର ସୁଟିଂ ରାମଗୁଣ୍ଡମର ଗୋଦାବରୀଖଣିରେ ଚାଲିଛି । ଏହି ଫିଲ୍ମରେ ପ୍ରଭାସଙ୍କ ସହିତ ସୃତି ହାସନ ମୁଖ୍ୟ ଭୂମିକା ଗ୍ରହଣ କରିଛନ୍ତି ।
