ଭୁବନେଶ୍ୱର (ଏଟିଆର ବ୍ୟୁରୋ); ଜାତୀୟ କ୍ରିକେଟ ଦଳରେ ସ୍ଥାନ ପାଇଲେ ଓଡିଆ ପୁଅ । ଓଡିଶା ରଣଜି ଟିମର ଦ୍ରୃତ ବୋଲର ରାଜେଶ ମହାନ୍ତିଙ୍କୁ ଜାତୀୟ ଦଳରେ ସ୍ଥାନ ମିଳିଛି । ଇଂଲଣ୍ଡ ଲାୟନ୍ସ ଦୁଇ ଦିନିକିଆ ଅଭ୍ୟାସ ଖେଳିବ ଭାରତ । ଫେବୃଆରୀ ୩ ତାରିଖରୁ ଏହି ମ୍ୟାଚ ଖେଳାଯିବ । ଏଣୁ ବୋର୍ଡ ସାମ୍ବବ୍ୟ ଖେଳାଳିଙ୍କ ସୂଚୀ ଘୋଷଣା କରିଛି । ଏଥିରେ ରାଜେଶଙ୍କ ନାଁ ରହିଛି । ପପୁ ରାୟଙ୍କ ପରେ ଦ୍ୱିତୀୟ ଖେଳାଳି ଭାବରେ ସ୍ଥାନ ପାଇଛନ୍ତି ରାଜେଶ ।
ଚଳିତ ରଣଜି ସିଜନରେ ରାଜେଶ ଉଚ୍ଚ କୋଟିର ବୋଲିଂ ପ୍ରଦର୍ଶନ କରି କ୍ରିକେଟ ପ୍ରେମୀଙ୍କ ମନ ଜିଣି ନେଇଥିଲେ । ସେ ଦଳର ଦ୍ୱିତୀୟ ୱିକେଟ ଦଖଲକାରୀ ହୋଇଥିଲେ । ଏହି ସିଜିନରେ ସେ ୪୦ ୱିକେଟ ଦଖଲ କରିଥିଲେ । ଆସାମ ବିପକ୍ଷରେ ୫୫ ରନ ବିନିମୟ କରି ୬ ୱିକେଟ ଅକ୍ତିଆର କରିବା ତାଙ୍କର ଶ୍ରେଷ୍ଠ ଥିଲା । କନିଷ୍ଟ ଏସିଆ କପ ବିଜୟରେ ମଧ୍ୟ ରାଜେଶ ସଦସ୍ୟ ଥିଲେ । ଜାତୀୟ ଦଳରେ ଓଡିଆ ପୁଅ ସ୍ଥାନ ପାଇବା ପରେ ଓଡିଶାର କ୍ରିକେଟ ପ୍ରେମୀ ବହୁତ ଖୁସି ଅଛନ୍ତି ।
