ଚେନ୍ନାଇ(ଏଟିଆର ବ୍ୟୁରୋ):ଜେଲରୁ ମୁକୁଳିଲେ ପୂର୍ବତନ ନେତା ଭିକେ ଶଶୀକଳା । ମୁଖ୍ୟମନ୍ତ୍ରୀ ଜେ ଜୟଲଳିତାଙ୍କ ସହଯୋଗୀ ରହିଥିବା ଶଶୀକଳା ଗତ ୪ ବର୍ଷ ଧରି ବେଙ୍ଗାଲୁରୁର ପରପନ୍ନା ଜେଲ୍ ରେ ରହିଥିଲେ । ଜେଲରୁ ମୁକୁଳିବା ପରେ ତାଙ୍କ ସମର୍ଥକମାନେ ଖୁସିରେ ହସ୍ପିଟାଲ ବାହାରେ ପରସ୍ପରକୁ ମିଠା ଖୁଆଇବା ସହ ନାରାବାଜି ଦେଇଛନ୍ତି।
ଶଶୀକଳା ଜାନୁଆରୀ ୨୦ ତାରିଖରେ କରୋନା ପଜିଟିଭ୍ ଚିହ୍ନଟ ହୋଇଥିଲେ । ପ୍ରଥମେ ତାଙ୍କୁ ବେଙ୍ଗାଲୁରୁର ବୋରିଙ୍ଗ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରୁ ତାଙ୍କୁ ଭିକ୍ଟୋରିଆ ହସ୍ପିଟାଲ ସ୍ଥାନାନ୍ତର କରାଯାଇଥିଲା ।
ଶଶୀକଳାଙ୍କୁ ୨୦୧୭ରେ ୬୬ କୋଟିର ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ୪ ବର୍ଷ ଜେଲ୍ ଦଣ୍ଡ ହୋଇଥିଲା ଆଗକୁ ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି । ଏହା ପୂର୍ବରୁ ଶଶୀକଳାଙ୍କ ଘରବାହୁଡିବା ନେଇ ରାଜ୍ୟ ରାଜନୈତିକ ମହଲରେ ଚର୍ଚ୍ଚା ଆରମ୍ଭ ହୋଇଛି ।
