ଭୁବନେଶ୍ୱର(ଏଟିଆର ବ୍ୟୁରୋ):କରୋନା ଟିକା ପାଇଁ ଆଜି ସରକାର ବ୍ଲକ ଟାସ୍କଫୋର୍ସ କମିଟି ଗଠନ କରିଛନ୍ତି ।ଏହାର ଅଧ୍ୟକ୍ଷ ପାଇଁ ସ୍ଥାନୀୟ ବିଡ଼ିଓଙ୍କୁ ଚୟନ କରାଯାଇଛି । ଏଥିର ଅନ୍ୟମାନଙ୍କୁ ସଦସ୍ୟ ଭାବେ ସାମିଲ କରିବା ପାଇଁ ସ୍ୱାସ୍ଥ୍ୟ ବିଭାଗ ପକ୍ଷରୁ ବିଞ୍ଚପ୍ତି ଜାରି କରାଯାଇଛି ।
ସରକାରଙ୍କ ପକ୍ଷରୁ ଟିକା କରଣ ପାଇଁ ରାଜ୍ୟରେ ରାଜ୍ୟସ୍ତରୀୟ ଟାସ୍କଫୋର୍ସ କମିଟି ସହ ଜିଲ୍ଲାସ୍ତରୀୟ ଟାସ୍କଫୋର୍ସ କମିଟି ଗଠନ କରାଯ।।ଇଛି । ବିଡ଼ିଓ ଏହାର ଅଧ୍ୟକ୍ଷ ଥିବା ବେଳେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ମେଡ଼ିକାଲ ଅଧିକାରୀ ଏହାର ଆବାହକ ରହିବେ ।
ସପ୍ତାହରେ ଅତିକମ୍ରେ ଥରେ ଏହି କମିଟିର ବୈଠକ ଅନୁଷ୍ଠିତ ହେବ। ଟିକାକରଣକୁ ତ୍ବରାନ୍ବିତ କରିବା, କରୋନା ଟିକାକରଣ ସମୟରେ ଯେପରି ଅନ୍ୟ ସ୍ବାସ୍ଥ୍ୟସେବା ବାଧାପ୍ରାପ୍ତ ନ ହୁଏ, ତାହାର ନିରୀକ୍ଷଣ କରିବା ଲାଗି କୁହାଯାଇଛି ।
ଏହା ସହ ସିଡ଼ିପିଓ , ବ୍ଲକ,ଶିକ୍ଷା ଅଧିକାରୀ , ପଞ୍ଚାୟତ ଲୋକପ୍ରତିନିଧି , ଏନସିସି, ପ୍ରାଣୀ ସଂପଦ, ୟୁନିସେଫ, ସ୍ଥାନୀୟ ଏନଜିଓ, ରୋଟାରି, ଓ ସ୍ଥାନୀୟ ଧାର୍ମିକ ନେତୃମଣ୍ଡଳୀ ,ଏହାର ସଦସ୍ୟ ରହିବା ଲାଗି ନିଷ୍ପତ୍ତି ନିଆଯାଇଛି ।
