ମୁମ୍ବାଇ(ଏଟିଆର ବ୍ୟୁରୋ):ଖୁବ ଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ବରୁଣ । ଅଭିନେତା ବରୁଣ ଧୱନ ତାଙ୍କ ଦୀର୍ଘଦିନର ଗାର୍ଲଫ୍ରେଣ୍ଡ ନତାଶା ଦଲାଲଙ୍କୁ ବିବାହ କରିବାକୁ ଯାଉଛନ୍ତି । ଏ ପର୍ଯ୍ୟନ୍ତ ବିବାହାର ତାରିଖ ଘୋଷଣା ହୋଇନଥିବା ବେଳେ ଉଭୟଙ୍କ ବିବାହ ଚଳିତ ମାସରେ ଅନୁଷ୍ଠିତ ହେବ ।
ବରୁଣ ଓ ନତାଶା ପୁର୍ବରୁ ଲିଭ ଇନ୍ ରିଲେସନରେ ରହୁଛନ୍ତି । କରୋନା ପାଇଁ ତାଙ୍କ ବିବାହ ଅଟକି ଯାଇଥିବାରୁ ଏବେ ସ୍ଥିତିରେ ସୁଧାର ହେବା ପରେ ଦୁହେଁ ବିବାହ କରିବା ପାଇଁ ସ୍ଥିର କରିଛନ୍ତି । ଦୁହିଁଙ୍କ ପରିବାରରୁ ଚାପ ପଡୁଥିବା ବେଳେ ଉଭୟ ମୁମ୍ବାଇର ଆଲିବାଗରେ ବିବାହ କରିବେ ବୋଲି କହିଛନ୍ତି ।
ବରୁଣଙ୍କ ବିବାହ ଏକ ଗ୍ରାଣ୍ଡ ପଞ୍ଜାବୀ ୱେଡିଂ ରେ ହେବ । କରୋନା ମହାମାରୀ କୁ ଦୃଷ୍ଟିରେ ରଖି ୨୦୦ ଲୋକଙ୍କ ମଧ୍ୟରେ ବିବାହ ପାଇଁ ଅନୁମତି ମିଳିଥିବା ବେଳେ ବିବାହରେ କେବଳ ତାଙ୍କ ପରିବାର ସଦସ୍ୟ ଓ କିଛି ଖାସ ବନ୍ଧୁବାନ୍ଧମାନେ ହିଁ ଯୋଗ ଦେବେ ।
