ଚଣ୍ଡିଗଡ(ଏଟିଆର ବ୍ୟୁରୋ): ବ୍ୟକ୍ତି ମଦ ପିଉଥିବା କଥା ଆପଣମାନେ ଜାଣିଥିବେ ବା ଶୁଣିଥିବେ । କିନ୍ତୁ ଏକ ଷଣ୍ଢ ମଦ ପିଉଛି, ଏକଥାଟା ଆପଣଙ୍କୁ ଆଶ୍ଚର୍ଯ୍ୟ ଲାଗିଲେ ବି ଏହା ସତ ।
ଆଜ୍ଞା ହଁ ହରିଆଣାର ଏକ ଷଣ୍ଢ ତାର ଅଜବ ଗଜବ ହରକତ ପାଇଁ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଷଣ୍ଢର ଦାମ୍ ୨୧ କୋଟି ଟଙ୍କା । ମିଳିଥିବା ଖବର ମୁତାବକ ଏହି ଷଣ୍ଢ ପ୍ରତିଦିନ ମଦ ପାନ କରିଥାଏ । କେବଳ ସେତିକି ନୁହେଁ, ଏହି ଷଣ୍ଢର ମଦ ପାନ କରିବାକୁ ନେଇ ତାର ମାଲିକର କୌଣସି ଆପତ୍ତି ନାହିଁ । ଷଣ୍ଢର ନାମ ହେଉଛି ‘ସୁଲତାନ୍’ ।
ଷଣ୍ଢର ଏହି ଅଭ୍ୟାସ ପାଇଁ ମାଲିକ କହିଥିଲେ ଯେ, ‘ ଷଣ୍ଢ ମଦ ପିଇବାକୁ ବହୁତ ପସନ୍ଦ କରେ । ଏବଂ ତାକୁ ଏହାଦ୍ୱାରା ଶାନ୍ତି ମିଳିଥାଏ’ ।
ସୂଚନାଅନୁଯାୟୀ, ୮ ବର୍ଷର ଏହି ଷଣ୍ଢର ଲମ୍ବା ୬ ଫୁଟ ଏବଂ ଓଜନ ୧ ଟନରୁ ଉର୍ଦ୍ଧ । ଦେଶର ସବୁଠାରୁ ଦାମି ଷଣ୍ଢ । ଷଣ୍ଢର ମାଲିକ ଏହାର ସିମେନ(ଶୁକ୍ରାଣୁ ) ବିକ୍ରି କରି ବର୍ଷକୁ କୋଟି କୋଟି ଟଙ୍କା ଆୟ କରିଥାନ୍ତି । ସେହିଭଳି ଏହି ଷଣ୍ଢର ଖୁବ୍ ଧ୍ୟାନ ରଖିଥାନ୍ତି ମାଲିକ ଜଣକ ।
