ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜିଠୁ ଆରମ୍ଭ ହୋଇଛି ଶ୍ରାବଣ ମାସ । ଆସନ୍ତାକାଲି ଶ୍ରାବଣ ମାସର ପ୍ରଥମ ସୋମବାର । ଏହି ମାସ ଭଗବାନ ଶିବଙ୍କର ଅତି ପ୍ରିୟ ମାସ । ଏହି ଅବସରରେ ଦେଶରେ ଥିବା ୧୨ ଟି ଜ୍ୟୋର୍ତିଲିଙ୍ଗରେ ଭକ୍ତଙ୍କ ସମାଗମ ଦେଖିବାକୁ ମିଳିଥାଏ । ସେହିପରି ଦେଶର ଦ୍ୱାଦଶ ଜ୍ୟୋର୍ତିଲିଙ୍ଗ କାଶି ବିଶ୍ୱନାଥ ଙ୍କ ମଙ୍ଗଳା ଆରତୀ ସର୍ବତା ଚର୍ଚ୍ଚିତ ଥାଏ । ସେଥିପାଇଁ ପ୍ରତ୍ୟେକ ଶ୍ରାବଣ ମାସରେ ଭକ୍ତ କାଶି ବିଶ୍ୱନାଥଙ୍କ ମଙ୍ଗଳା ଆରତୀ ପାଇଁ କାମନା କରିଥାନ୍ତି । ଏହି କାରଣ ପାଇଁ ପ୍ରତ୍ୟେକ ବର୍ଷ ଶ୍ରାବଣ ମାସରେ ବହୁତ ମାତ୍ରାରେ ଶ୍ରାଦ୍ଧାଳୁ କାଶି ବିଶ୍ୱନାଥଙ୍କ ଆଳତୀରେ ସାମିଲ ହୋଇଥାନ୍ତି । ଚଳିତବର୍ଷ ମଧ୍ୟ କାଶି ବିଶ୍ୱନାଥରେ ଭକ୍ତଙ୍କ ସମାଗମ ରହିବ । କିନ୍ତୁ ଚଳିତବର୍ଷର ବାବାଙ୍କର ମଙ୍ଗଳା ଆରତୀରେ ସାମିଲ ହେବା ପାଇଁ ଭକ୍ତଙ୍କୁ ଖର୍ଚ୍ଚାନ୍ତ ହେବାକୁ ପଡିବ । ଗତବର୍ଷ ତୁଳନାରେ ଚଳିତବର୍ଷ ମନ୍ଦିର ପ୍ରଶାସନ ପକ୍ଷରୁ ମଙ୍ଗଳା ଆରତୀ ପାଇଁ ଦାମ୍ ରେ ବୃଦ୍ଧି କରାଯାଇଛି । କୁହାଯାଉଛି କି ଶ୍ରାବଣ ସୋମବାରେ ବାବାଙ୍କ ଆରତୀରେ ସାମିଲ ହେବାକୁ ହେଲେ ଭକ୍ତଙ୍କୁ ୧୫୦୦ ଟଙ୍କା ଦେବାକୁ ହେବ । ଗତବର୍ଷ ଏହାର ଦାମ୍ ୧୨୦୦ ଟଙ୍କା ରଖାଯାଇଥିଲା । ସେହିପରି ଅନ୍ୟ ଦିନମାନଙ୍କରେ ଆରତୀ ପାଇଁ ଭକ୍ତଙ୍କୁ ୭୦୦ ଟଙ୍କା ଦେବାକୁ ପଡିବ ।
