ଭୁବନେଶ୍ୱର (ଏଟିଆର ବ୍ୟୁରୋ): ଆଜି ଜଗତଜନନୀ ମା’ ଦୁର୍ଗାଙ୍କ ମହାଷ୍ଟମୀ ପୂଜା । କରୋନା କଟକଣା ଭିତରେ ଚାଲିଛି ସମସ୍ତ ରୀତିନୀତି । ମନ୍ତ୍ରଧ୍ୱନିରେ କମ୍ପୁଛି ପୂଜାମଣ୍ଡପ । ଆଜି ଶକ୍ତିପୀଠ ଗୁଡିକରେ ନବମୀ ନୀତି ଚାଲିଥିବା ବେଳେ ମଣ୍ଡପରେ ମା’ଙ୍କର ଅଷ୍ଟମୀ ରୀତିନୀତି ଚାଲିିଛି ।
ଚଳିତବର୍ଷ ମା’ଙ୍କର ପୂଜା ଦେଖବାରୁ ବଞ୍ଚିତ ହୋଇଛନ୍ତି ଭକ୍ତ । ବିନା ଭକ୍ତରେ ମଣ୍ଡପରେ ପୂଜା ପାଉଛନ୍ତି ମା’ । କେବଳ ସୀମିତ ସଂଖ୍ୟକ ପୂଜକଙ୍କୁ ନେଇ ଚାଲିଛି ପୂଜାର୍ଚ୍ଚନା ।
ରାଜ୍ୟର ବିଭିନ୍ନ ସ୍ଥାନରେ ଥିବା ମଣ୍ଡପ ଗୁଡିକରେ ନିରାଡମ୍ବର ଭାବେ ଚାଲିଛି ମା’ଙ୍କର ପୂଜା । ପୂର୍ବବର୍ଷ ଭଳି ମଣ୍ଡପ ଗୁଡିକରେ ସାଜସଜା ବି ଚଳିତ ବର୍ଷ ଦେଖିବାକୁ ମିଳିନାହିଁ । ମା’ଙ୍କ ମେଢକୁ ଜରି ରେ ସଜା ହୋଇଛି । ଯାହାଫଳେରେ ଚଳିତବର୍ଷ ଫିକା ପଡି ପଡିଛି ମା’ଙ୍କ ପୂଜା ।
ଅନ୍ୟପଟେ ମା’ଙ୍କ ଦର୍ଶନ କରିବା ଲାଗି କିଛି ପୂଜା ମଣ୍ଡପ ପକ୍ଷରୁ ଅନଲାଇନ ବ୍ୟବସ୍ଥା କରାଯାଇଛି । ଅନଲାଇନ୍ ରେ ମା’ଙ୍କୁ ଦର୍ଶନ କରି ପାରୁଛନ୍ତି ଭକ୍ତ ।
