ଦଶହରାରେ ଭକ୍ତଙ୍କ ପାଇଁ ବନ୍ଦ ରହିବ ଶ୍ରୀମନ୍ଦିର

ପୁରୀ (ଏଟିଆର ବ୍ୟୁରୋ): ଆସନ୍ତାକାଲି ବିଜୟାଦଶମୀ ବା ଦଶହରା । ଏହି ଅବସରରେ ଭକ୍ତଙ୍କ ପାଇଁ ବନ୍ଦ ରହିବ ଶ୍ରୀମନ୍ଦିର । ଦଶହରାରେ ସୁନା ବେଶରେ ସଜ୍ଜିତ ହେବେ ଶ୍ରୀଜିଉ । ଭସାଣୀ ପାଇଁ ଶନିବାର ମଧ୍ୟାହ୍ନ ୧୨ ପରଠାରୁ ସାଧାରଣ ଦର୍ଶନ ବନ୍ଦ ରହିବ । ସେପଟେ ଦୁର୍ଗାପୂଜା ଭସାଣୀ ପାଇଁ ଶ୍ରୀମନ୍ଦିର ପ୍ରଶାସନ ଓ ପୋଲିସ ପକ୍ଷରୁ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।

ଏହାସହିତ ଭସାଣୀ ପାଇଁ ଶ୍ରୀମନ୍ଦିର ଚାରିପାଖ ଏବଂ ମରିଚିକୋଟ ଛକ ଯାଏଁ ୧୪୪ ଧାରା ଲାଗୁ ହେବ । ସେହିପରି କରୋନା କଟକଣା ମୁତାବକ, ରବିବାର ମଧ୍ୟ ଭକ୍ତଙ୍କ ପାଇଁ ଶ୍ରୀମନ୍ଦିର ବନ୍ଦ ରହିବ ।