ଭୁବନେଶ୍ୱର (ଏଟିଆର ବ୍ୟୁରୋ): ଶନି ଦୋଷରୁ ରକ୍ଷା ପାଇବା ଏବଂ ଶନିଙ୍କୁ ଶାନ୍ତ ରଖିବା ପାଇଁ ବ୍ୟକ୍ତି ଅନେକ ଉପାୟ କରିଥାନ୍ତି । ଶନି କୃପାରୁ ବ୍ୟକ୍ତିଙ୍କୁ ସୁଖ ଏବଂ ବୈଭବ ପ୍ରାପ୍ତି ହୋଇଥାଏ । ଶନି ଅସନ୍ତୋଷ ହେବା ଦ୍ୱାରା ବ୍ୟକ୍ତିଙ୍କୁ ସମସ୍ତ କଷ୍ଟର ସାମ୍ନା କରିବାକୁ ପଡିଥାଏ । ସହଜରେ ପ୍ରସନ୍ନ ହୋଇନଥାନ୍ତି ଶନିଦେବ । ସେହିପରି ଶନିଙ୍କୁ ତେଲାଭିଶେକ କରିବା ବହୁତ ଲାଭ ହୋଇଥାଏ । ତେବେ ଆସନ୍ତୁ ଜାଣିବା ଏହାର କଥା ଏବଂ ଲାଭ ବିଷୟରେ ।
ଶନିଦେବଙ୍କୁ ସୋରିଷ ତେଲ ଚଢାଇବାର ପରମ୍ପରା ହନୁମାନ ଆରମ୍ଭ କରିଥିଲେ । ରାମାୟଣର ଏକ କଥାନୁସାରେ, ଥରେ ଶନିଦେବଙ୍କୁ ବନ୍ଦୀ କରି ଦେଇଥିଲେ ରାବଣ । ଯେତେବେଳେ ମାତା ସୀତାଙ୍କୁ ଖୋଜିବା ପାଇଁ ହନୁମାନ ଲଙ୍କା ଗଲେ ସେତେବେଳେ ସେ ଦେଖିବାକୁ ପାଇଲେ କି ଶନିଦେବଙ୍କୁ ବନ୍ଦୀ କରି ରଖିଛି ଲଙ୍କାପତି ରାବଣ । ହନୁମାନଙ୍କୁ ଦେଖି ଶନିଦେବ କହିଲେ ମୋତେ ଏହି ବନ୍ଦୀରୁ ରକ୍ଷାକର ।
ତାଙ୍କୁ ବନ୍ଦୀରୁ ମୁକ୍ତ କରିବା ପାଇଁ ହନୁମାନ ତାଙ୍କୁ ଲଙ୍କାଠାରୁ ବହୁ ଦୂରକୁ ଫିଙ୍ଗି ଦେଇଥିଲେ, ଯାହାଫଳରେ ଶନି ଦେବ ସୁରକ୍ଷିତ ସ୍ଥାନରେ ପହଞ୍ଚି ପାରିବେ। ଯେତେବେଳେ ଶନିଙ୍କୁ ହନୁମାନ ଫିଙ୍ଗିଥିଲେ ସେତେବେଳେ ସେ ଗୁରୁତର ଆହତ ହୋଇଥିଲେ। ଶନି ଦେବଙ୍କ ଯନ୍ତ୍ରଣା ଦେଖି ହନୁମାନ ତାଙ୍କ କ୍ଷତରେ ସୋରିଷ ତେଲ ଲଗାଇଲେ । ଏହା ତାଙ୍କୁ ବହୁତ ଆରାମ ଦେଲା ଏବଂ ତାଙ୍କର ଯନ୍ତ୍ରଣା ସମାପ୍ତ ହେଲା । ଏହି ଘଟଣା ପରେ ଶନି ଦେବଙ୍କୁ ତେଲ ଅର୍ପଣ କରିବାର ଅଭ୍ୟାସ ଆରମ୍ଭ ହୋଇଥିଲା
ଶନି ଦେବଙ୍କ ପୂଜାରେ ସୋରିଷ ତେଲ ଅର୍ପଣ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ, ଯେଉଁଥିପାଇଁ ଭକ୍ତ ଅନେକ ଲାଭ ପାଇଥାନ୍ତି । ତେଲ ଅର୍ପଣ କରିବା ସାଢେସାତୀ ଶନିଦୋଷରୁ ମୁକ୍ତି ମିଳିଥାଏ । ଏହା ଚାକିରି ଏବଂ ବ୍ୟବସାୟରେ ସଫଳତା ଦେଇଥାଏ । ସୁଖ-ସମୃଦ୍ଧତା, ମାନସମ୍ମାନ ଏବଂ ଧନ-ଖ୍ୟାତି ଆଣିଥାଏ । ଶନି ଦେବଙ୍କୁ ତେଲ ଅର୍ପଣ କରିବା ଦ୍ୱାରା ମଧ୍ୟ ବଜରଙ୍ଗବାଲିଙ୍କ ଆଶୀର୍ବାଦ ବଳବତ୍ତର ରହିଥାଏ ।
