ଭୁବନେଶ୍ୱର (ଏଟିଆର ବ୍ୟୁରୋ): ଏବେ ଚାରିଆଡେ ହକି ଫିବର । ଆସନ୍ତା କାଲି ଏହାର ଉଦଘାଟନୀ ଉତ୍ସବ । ଏନେଇ ସମସ୍ତ କାର୍ଯ୍ୟ ଚୂଡାନ୍ତ ପର୍ଯ୍ୟାୟରେ ପହଁଚିଲାଣି । ଅନ୍ୟପଟେ ହକି ବିଶ୍ୱକପ୍ ର ଉଦଘାଟନୀ ଉତ୍ସବ ପାଇଁ ରାଜ୍ୟ ସରକାରଙ୍କ ପକ୍ଷରୁ ସରକାରୀ ଛୁଟି ଘୋଷଣା କରାଯାଇଛି ।
ଏହି ଉଦଘାଟନୀ ଉତ୍ସବ ଦୁଇଟି ପର୍ଯ୍ୟାୟରେ ହେଉଥିବାରୁ ୨୭ରେ ସମସ୍ତ ସରକାରୀ ସ୍କୁଲ୍ କଲେଜ ବନ୍ଦ ହେବା ସହ ସରକାରୀ ଅଫିସ୍ ଗୁଡିକ ମଧ୍ୟ ଦିନ ୧ଟା ୩୦ ମିନିଟ୍ ରୁ ବନ୍ଦ ରହିବ ବୋଲି ଘୋଷଣା କରାଯାଇଛି ।
ସେହିପରି ୨୮ ତାରିଖରେ କଟକର ସମସ୍ତ ସରକାରୀ ଶିକ୍ଷାନୁଷ୍ଠାନ ଏବଂ କାର୍ଯ୍ୟାଳୟ ବନ୍ଦ ରହିବ ବୋଲି ସୂଚନା ମିଳିଛି ।
ଏହି ଉତ୍ସବରେ କଳିଙ୍ଗ ଷ୍ଟାଡିୟମ ଏବଂ ବାରବାଟୀ ଉଭୟ ସ୍ଥାନରେ କଳାକାର ମାନଙ୍କର ଜଲୱା ଦେଖିବାକୁ ମିଳିବ । ଏହାସହିତ ଜୟ ହିନ୍ଦ୍ ହିନ୍ଦ୍… ଜୟ ହିନ୍ଦ୍ ହିନ୍ଦ୍ ଗୀତରେ କମ୍ପି ଉଠିବ ଷ୍ଟାଡିୟମ ।
