ଲଣ୍ଡନ (ଏଟିଆର ବ୍ୟୁରୋ); କ୍ରିକେଟ ଛାଡି ଅନଲାଇନ ଗେମ ପବଜି ଗେମରେ ବ୍ୟସ୍ତ ଭାରତୀୟ କ୍ରିକେଟ ଖେଳାଳି । ଚଳିତ ମାସ ୩୦ରୁ ଇଂଲଣ୍ଡରେ ଆରମ୍ଭ ହେବାକୁ ଯାଉଛି କ୍ରିକେଟ ମହାକୁମ୍ଭ । ଭାରତୀୟ ଦଳ ଯାଇ ପହଁଞ୍ଚି ଇଂଲଣ୍ଡରେ । ତେବେ ସେଠାରେ ହୋଟେଲରେ ବସି ଧୋନି,ଭୁବି ଏବଂ ସାମି ବସି ପବଜି ଖେଳୁଥିବା ନଜର ଆସିଥିଲା । ଏବେ ଏହି ଅନଲାଇନ ଗେମଟି ଯୁବ ପିଢ଼ୀଙ୍କୁ ପାଗଳ କରିଛି । ତେବେ ଏଥିରୁ ବାଦ ପଡିନାହାଁନ୍ତି ଭାରତୀୟ କ୍ରିକେଟର ।
କ୍ରିକେଟ ମହାକୁମ୍ଭ ପାଇଁ ଭାରତୀୟ ଦଳର ୧୫ଜଣ ଖେଳାଳି ଯାଇ ପହଁଞ୍ଚଛନ୍ତି ଇଂଲଣ୍ଡରେ । ଚଳିତ ବିଶ୍ୱକପ ଟାଇଟଲ ଲିଷ୍ଟରେ ପ୍ରଥମ ଦାବିଦାର ଭାବରେ ଭାରତ ରହିଛି । ଦଳ ବିଶ୍ୱକପ ଜିତିବ ବୋଲି କ୍ରିକେଟ ପଣ୍ଡିତମାନେ ପୂର୍ବରୁ ନିଜର ମତ ଦେଇଛନ୍ତି । ତେବେ ଭାରତ ଯଦି ବିଶ୍ୱକପ ଜିତେ ତେବେ ତୃତୀୟଥର ଲାଗି ବିଶ୍ୱକପ ହାତେଇବ । ପୂର୍ବରୁ କପିଲ ଦେବ ଏବଂ ଧୋନି ଭାରତକୁ ବିଶ୍ୱକପ ଉପହାର ଦେଇଛନ୍ତି ।
ଭାରତ ପ୍ରଥମ ଥର ଲାଗି ବିରାଟ ଅଧି୍ନାୟକତ୍ୱରେ ବିଶ୍ୱକପ ଖେଳିବା ପାଇଁ ଯାଉଛି । ଏବେ ଦଳର ଖେଳାଳିମାନେ ଭଲ ଫର୍ମରେ ଅଛନ୍ତି । ନିକଟରେ ଘରୋଇ ପରିବେଶରେ ଖେଳାଯାଇଥିବା ଆଇପିଏଲରେ ଏହାର ଝଲକ ଦେଖିବା ପାଇଁ ମିଳିଥିଲା । ତେବେ ଚଳିତ ବିଶ୍ୱକପରେ କଡା ଟକ୍କର ହେବ । ସବୁଦଳ ଶକ୍ତିଶାଳି ହେବାରେ ଲାଗିଛନ୍ତି । ବାଂଲାଦେଶ ଏବଂ ଆୟାଲ୍ୟାଣ୍ଡ ଭଳି ଦଳ ମଧ୍ୟ ଭଲ ସ୍ଥିତିରେ ଅଛନ୍ତି ।
