ମାଞ୍ଚେଷ୍ଟର (ଏଟିଆର ବ୍ୟୁରୋ); ନୂଆ ରେକର୍ଡ ଅଭିମୁଖେ ଭାରତୀୟ ଦଳର ଅଧିନାୟକ ବିରାଟ କୋହଲି । ବିଶ୍ୱକିର୍ତ୍ତୀମାନଠାରୁ ମାତ୍ର ୩୭ ରନ ଦୂରରେ ରହିଛନ୍ତି କୋହଲି । ଆଜିର ମ୍ୟାଚଟି ତାଙ୍କ ପାଇଁ ବହୁତ ଗୁରୁତ୍ୱପୂର୍ଣ୍ଣ ରହିବ । ଯଦି ସେ ୩୭ ରନ କରନ୍ତି ତେବେ ବିଶ୍ୱ କ୍ରିକେଟରେ ସେ ଦୃତତମ ୨୦,୦୦୦ ରନ କରିବେ । ଏହା ପୂର୍ବରୁ ବ୍ରାଏନ ଲାରା,ରାହୁଲ ଦ୍ରାବିଡ ଏବଂ ସଚିନଙ୍କ ନାମ ଆଗରେ ରହିଛି । କିନ୍ତୁ ବିରାଟ ଯଦି ଆଜି ବଡ ସ୍କୋର କରିବେ ତେବେ ଏହିସବୁ କିମ୍ବଦନ୍ତୀ ଖେଳାଳିଙ୍କୁ ପଛରେ ପକାଇବେ ।
ବିରାଟ ନିକଟରେ ଦିନିକିଆରେ ଦୃତତମ ୧୧,୦୦୦ ରନ କରିବାର ରେକର୍ଡ ନିଜ ନାଁରେ କରି ସାରିଛନ୍ତି । କେବଳ ଏହି ରେକର୍ଡ କାହିଁକି ପୂର୍ବରୁ ବହୁ ରେକର୍ଡ ବିରାଟଙ୍କ ନାମରେ ରହିଛି । ଏବେ ଦମଦାର ଫର୍ମରେ ଥିବାରୁ କୋହଲି ଆଜିର ମ୍ୟାଚରେ ଏହି ରେକର୍ଡ ଭାଙ୍ଗିବେ ବୋଲି ଆଶା ରଖିଛନ୍ତି କ୍ରିକେଟ ପ୍ରେମୀ ।
ଆଜି ବିଶ୍ୱକପରେ ଭାରତ ତାର ଷଷ୍ଠ ମ୍ୟାଚରେ ୱେଷ୍ଟ ଇଣ୍ଡିଜକୁ ଭେଟିବ । ଦଳ ଏଯାବତ ୫ଟି ମ୍ୟାଚରୁ ୪ଟି ବିଜୟ ହୋଇଛି । ଏବଂ ଗୋଟିଏ ଫଳାଫଳ ଶୂନ୍ୟ ରହିଛି । ତେବେ ଭାରତ ଏହି ବିଜୟ ଧାରାକୁ ଜାରି ରଖିବା ପାଇଁ ଚେଷ୍ଟା କରିବ । ଲଗାତାର ହାରୁଥିବା ୱେଷ୍ଟ ଇଣ୍ଡିଜର ଦୁର୍ବଳ ମନୋଭାବ ଭାରତ ପାଇଁ ପ୍ଳସ ପଏଣ୍ଟ ହେବ ବୋଲି ଆଶା କରାଯାଉଛି ।
