ନୂଆଦିଲ୍ଲୀ (ଏଟିଆର ବ୍ୟୁରୋ): ୟୁକ୍ରେନର ନାଦିୟା କିଚନୋକଙ୍କ ସହିତ ଭାରତୀୟ ଟେନିସ୍ ଷ୍ଟାର ସାନିଆ ମିର୍ଜା ହୋବାର୍ଟ ଇଂଟରନାସନାଲ ମହିଳା ଯୁଗଳ ର ଟାଇଟେଲ ହାତେଇଛନ୍ତି । ମା’ ହେବା ପରେ ପୁଣି ଟେନିସ୍ ମଇଦାନରେ ନିଜର ଦମଦାର୍ ପ୍ରଦର୍ଶନ କରିଛନ୍ତି ସାନିଆ ।
ନାଦିୟା କିଚେନୋକଙ୍କ ସହ ମିଶି ସେ ଝାଙ୍ଗ ସୁଆଇ ଏବଂ ପେଙ୍ଗ ସଆଇଙ୍କ ଯୋଡିକୁ ଗୋଟେ ଘଣ୍ଟା ଏବଂ ୨୧ ମିନିଟ୍ ପର୍ଯ୍ୟନ୍ତ ମୁକାବିଲାରେ ୬-୪, ୬-୪ ରେ ହରାଇ ହୋବାର୍ଟ ଇଂଟରନାସନାଲ ଟାଇଟେଲଟି ନିଜ ନାଁରେ କରିଛନ୍ତି ।
ଶୁକ୍ରବାର ସାନିଆ ଏବଂ କିଚନୋକଙ୍କ ଯୋଡି ଫାଇନାଲରେ ପ୍ରବେଶ କରିଥିଲେ । ସେ ଏଥିରେ ଚୀନ୍ ର ଝାଙ୍ଗ ସୁଆଇ ଏବଂ ପେଙ୍ଗ ସଆଇଙ୍କ ଯୋଡିକୁ ହରାଇ ଫାଇନାଲର ଟାଇଟେଲ ହାତେବାରେ ସଫଳ ହୋଇଛନ୍ତି ।
