ନୂଆଦିଲ୍ଲୀ (ଏଟିଆର ବ୍ୟୁରୋ): ସୋସିଆଲ ମିଡିଆରେ ପ୍ରତ୍ୟେକ ଦିନ ସେଲିବ୍ରିଟି କିଛି ନା କିଛି ନୂଆ କିମ୍ବା ପୁରୁଣା ଫଟୋ ସେୟାର କରିଥାନ୍ତି । ସେହିପରି ନିକଟରେ ଭାରତର ଦିଗଜ୍ ଖେଳାଳୀ ହାର୍ଦ୍ଦିକ ପାଣ୍ଡ୍ୟା ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ନିଜର ଏକ ପୁରୁଣା ଫଟୋ ସେୟାର କରିଛନ୍ତି, ଯେଉଁ ଫଟୋରେ ଉର୍ବଶୀ ରୌତେଲା କମେଣ୍ଟ କରିଛନ୍ତି ।
ବଲିଉଡ ଅଭିନେତ୍ରୀ ଉର୍ବଶୀ ଏବଂ କ୍ରିକେଟର ହାର୍ଦ୍ଦିକ ପାଣ୍ଡ୍ୟା ଦୁହେଁ ଦୁହିଁଙ୍କୁ ଡେଟିଂ କରୁଥିବା ଖବର ଲଗାତର ଭାବେ ଶୁଣିବାକୁ ମିଳିଥାଏ । କିନ୍ତୁ ଦୁହିଁଙ୍କ ସମ୍ପର୍କ ବିଷୟରେ କେବେ ସେମାନଙ୍କ ମୁହଁରୁ ଶୁଣିବାକୁ ମିଳି ନାହିଁ । ଇତି ମଧ୍ୟରେ ହାର୍ଦ୍ଦିକଙ୍କ ଫଟୋରେ ଉର୍ବଶୀ କମେଣ୍ଟ କରି ପୁଣି ଥରେ ଚର୍ଚ୍ଚାକୁ ଆସିଛନ୍ତି ।
ପ୍ରକୃତରେ ହାର୍ଦ୍ଦିକ ତାଙ୍କ ଷ୍ଟ୍ରଗଲ ସମୟର କଥା ମନେପକାଇ ଏହି ଫଟୋ ସେୟାର କରିଛନ୍ତି । ଫଟୋ ସହିତ ହାର୍ଦ୍ଧିକ ଏକ କ୍ୟାପସନ୍ ବି ଦେଇଛନ୍ତି । ସେ ଲେଖିଛନ୍ତି ସେହି ଦିନର ପୁରୁଣା ସ୍ମୃତି ଯେବେ ମୁଁ ମ୍ୟାଚ୍ ଖେଳିବା ପାଇଁ ଟ୍ରକରେ ବସିକି ଯାଉଥିଲି, ଏହା ଏକ ବହୁତ ଭଲ ସଫର ଥିଲା । ହଁ ଏହି ଖେଳକୁ ମୁଁ ଭଲ ପାଏ ।
ସୂଚନାଯୋଗ୍ୟ,ଏକ ପାର୍ଟି ଜରିଆରେ ୨୦୧୮ ମସିହାରେ ହାର୍ଦ୍ଧିକ ଏବଂ ଉର୍ବିଶୀଙ୍କର ଭେଟ ହୋଇଥିଲା । ସେବେଠାରୁ ଦୁହିଁଙ୍କ ମଧ୍ୟରେ କଥା ବର୍ତ୍ତା ଏବଂ ଦେଖାହେବା ଆରମ୍ଭ ହୋଇଥିଲା ।
