କ୍ରିକେଟ ବିଶ୍ୱକପ୍: ଆଜି ଭାରତ-ଆଫଗାନ ମୁକାବିଲା

ନୂଆଦିଲ୍ଲୀ (ଏଟିଆର ବ୍ୟୁରୋ): ଚାଲିଛି କ୍ରିକେଟ ମହାକୁମ୍ଭ । ଆଜି ବିଶ୍ୱକପରେ ମୁହାଁମୁହିଁ ହେବେ ଭାରତ-ଆଫଗାନିସ୍ତାନ । ଦିଲ୍ଲୀସ୍ଥିତ ଅରୁଣ ଜେଟଲୀ ଷ୍ଟାଡିୟମରେ ମ୍ୟାଚ ଖେଳାଯିବ । ପ୍ରଥମ ମ୍ୟାଚରେ ଭାରତୀୟ ଦଳ ଅଷ୍ଟ୍ରେଲିଆକୁ ହରାଇ ମନବଳ ଦୃଢ ରଖିଥିବା ବେଳେ ବାଂଲାଦେଶଠୁ ପରାଜିତ ହୋଇଥିଲା ଆଫଗାନିସ୍ତାନ ।

ଆଜିର ମ୍ୟାଚରେ ଦୁଇଟି ଦଳ ନିଜର ଭଲ ପ୍ରଦର୍ଶନ ପାଇଁ ପ୍ରୟାସ କରିବେ । ୨୦୧୯ ମସିହା ବିଶ୍ୱକପରେ ଉଭୟ ଦଳ ଶେଷ ଥର ପାଇଁ ପରସ୍ପରକୁ ଭେଟିଥିଲେ । ଏଥିରେ ୧୧ ରନ୍ ରେ ଭାରତ ବିଜୟ ହୋଇଥିଲା ।