ଭୁବନେଶ୍ୱର(ଏଟିଆର ବ୍ୟୁରୋ): Netflix ଇଣ୍ଡିଆ ନିଜ ଭାରତୀୟ ୟୁଜର୍ସ ମାନଙ୍କୁ ଏକ ବଡ ଝଟକା ଦେଇଛି । ଏଣିକି ଆଉ ମିଳିବନି ଫ୍ରି ସବସ୍କ୍ରିପସନ୍ । ଆଗରୁ Netflix ଆପ୍ ଇନଷ୍ଟଲ କରିବା ପରେ ଗୋଟିଏ ମାସ ପର୍ଯ୍ୟନ୍ତ ଫ୍ରି ସବସ୍କ୍ରିପସନ୍ ମିଳୁଥିଲା । କିନ୍ତୁ Netflix ତରଫରୁ ଏବେ ତାହା ବନ୍ଦ ହେବାକୁ ଯାଉଛି ।
Netflix ନିଜ ଗ୍ରାହକ ମାନଙ୍କୁ ଆଉ ମାଗଣା ସେବା ଯୋଗାଇବ ନାହିଁ । ବର୍ତ୍ତମାନ ଠାରୁ Netflix ଇନଷ୍ଟଲ କରିବା ପରଠାରୁ ହିଁ ପଇସା ଦେଇ ୟୁଜ୍ କରିବାକୁ ପଡିବ । ଏଥିପାଇଁ ଏବେଠାରୁ Netflix ନିଜ ଆପ୍ ରେ ପ୍ରଚାର ପ୍ରସାର କରିବା ଆରମ୍ଭ କରିଦେଲାଣି ।
ଏବେ Netflix ବ୍ୟବହାର କରିବାକୁ ହେଲେ ସର୍ବନିମ୍ନ ୧୯୯ ଟଙ୍କା ଦେବାକୁ ହେବ । Netflix ର ଫାଷ୍ଟ ୟୁଜର ମାନଙ୍କୁ ପ୍ରଥମ ମାସ ମାତ୍ର ୫ଟଙ୍କା ଦେବାକୁ ହେବ କିନ୍ତୁ ପରେ ବା ଦ୍ୱିତୀୟ ମାସ ଠାରୁ ୧୯୯ ଟଙ୍କାରୁ ଆରମ୍ଭ କରି ୭୯୯ ଟଙ୍କା ପର୍ଯ୍ୟନ୍ତ ପ୍ଲାନର ରିଚାର୍ଜ କରିବାକୁ ପଡିବ ।
