ଗଜପତି (ଏଟିଆର ବ୍ୟୁରୋ): ଗଜପତି ଜିଲ୍ଲା ପାରଳାଖେମୁଣ୍ଡିରେ ଆଜି ବସ୍ ଧର୍ମଘଟ ହୋଇଛି । ଏନେଇ ଯାତ୍ରୀମାନେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି । ବସ୍ ଷ୍ଟାଣ୍ଡରେ ଯାତ୍ରୀଙ୍କ ଭିଡ ଜମିଛି ।
ଗତକାଲି ପାରଳାଖେମୁଣ୍ଡି ବସ୍ ଷ୍ଟାଣ୍ଡରେ ଶ୍ରୀଗଣେଶ ବସ୍୍ ର କଣ୍ଡକ୍ଟରକୁ ନେଇ କୌଣସି କାରଣ ବସତଃ ଅନ୍ୟ ଏକ ବସ୍ ମାଲିକ ମଧ୍ୟରେ ଝଗଡା ହୋଇଥିଲା । ଏଥିରେ ବସ୍ ମାଲିକ ଜଣଙ୍କ କଣ୍ଡକ୍ଟରକୁ ମାଡ ମାରିଥିଲେ । ତାପରେ ବସ୍ ମାଲିକ ଏବଂ କର୍ମୀଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଥିଲା । ଯେଉଁଥିପାଇଁ ଆଜି ବସ୍ ଚଳାଚଳ ବନ୍ଦ ରହିଛି । ଏମାନଙ୍କ ଝଗଡା ମଧ୍ୟରେ ବଳି ପଡି ଯାଇଛନ୍ତି ଯାତ୍ରୀ । ଫଳରେ ଯାତ୍ରୀ ହନ୍ତସନ୍ତ ହୋଇଛନ୍ତି ।
