ଢ଼େଙ୍କାନାଳ (ଏଟିଆର ବ୍ୟୁରୋ) ; ଦିନକୁ ଦିନ ବଢ଼ିଚାଲିଛି ବିଦ୍ୟୁତ ବିଭାଗ ଅସସାବଧାନତା । କେତେବେଳେ ମଣିଷର ଜୀବନ ଯାଉଛି ତ ଆଉ କେତେବେଳେ ବନ୍ୟ ଜନ୍ତୁଙ୍କ ଜୀବନ ଯାଉଥିବା ଦେଖିବାକୁ ମିଳୁଛି । ଗତ କାଲି ଏଭଳି ଏକ ଅଭାବନୀୟ ଘଟଣା ନୟାଗଡ ଜିଲ୍ଲା ନୂଆଗାଁ ଥାନା ଅଞ୍ଚଳର ଖାଲମଡା ଗ୍ରାମରେ ବିଦ୍ୟୁତ ବିଭାଗର ଅସାବଧାନତା କାରଣରୁ ଜଣେ ଚାଷୀଙ୍କ ଜୀବନ ଯାଇଥିବା ନଜରକୁ ଆସିଥିବା ବେଳେ ଆଜି ଢ଼େଙ୍କାନାଳ ଜିଲ୍ଲାର କମଳାଙ୍ଗ ଅଞ୍ଚଳରେ ବିଦ୍ୟୁତ ତାର ସସ୍ପର୍ଶରେ ଆସି ୭ଟି ହାତୀର ଜୀବନ ଚାଲିଯାଇଛି ।
ସୂଚନା ମୁତାବକ ଢ଼େଙ୍କାନାଳ କମଳାଙ୍ଗରେ ବିଲ ଉପରେ ଅଳ୍ପ ଉଚ୍ଚରେ ବିଦ୍ୟୁତ ତାର ଯାଇଥିଲା । ୧୩ଟି ହାତୀ ସାଥୀ ହୋଇ ଆସିଥିବା ବେଳେ ୭ଟି ହାତୀ ଏହି ତାର ସସ୍ପର୍ଶରେ ଆସି ବିଲରେ ମରିପଡିଛନ୍ତି । ତେବେ ବାକି ୬ଟି ହାତୀ ଜଙ୍ଗଲକୁ ପଳେଥିବା ଦେଖିବାକୁ ମିଳିଛି । ଖବର ପାଇବା ପରେ ଘଟଣାସ୍ଥଳରେ ପରଜଙ୍ଗ ବନବିଭାଗ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
