ଢେଙ୍କାନାଳ (ଏଟିଆର ବ୍ୟୁରୋ): ପୁଣି ବସ୍ ଦୁର୍ଘଟଣା । ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଖଇରମୁଣ୍ଡା ଛକ ନିକଟରେ ଏକ ବସ୍ ଦୁର୍ଘଟଣାଗସ୍ତ ଘଟିଛି । ଏଥିରେ ୧୫ରୁ ଅଧିକ ଯାତ୍ରୀ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା କରିବା ଲାଗି ଅନୁଗୁଳ ମେଡିକାଲରେ ଭର୍ତ୍ତି କରାଯାଇଛି ।
ଆଜି ଭୋରୁ ବିଜୟ ନାମକ ଏକ ଯାତ୍ରୀବାହି ବସ୍ ବାଲେଶ୍ୱରରୁ ପିକନିକ୍ ସାରି ଅନୁଗୁଳ ଫେରିବା ବାଟରେ ଦୁର୍ଘଟଣା ଘଟିଛି । ବସ୍ ରେ ୪୫ ଜଣ ଯାତ୍ରୀ ଥିଲେ । ସେମାନଙ୍କ ମଧ୍ୟରୁ ୧୫ ରୁ ଅଧିକ ଯାତ୍ରୀ ଆହତ ହୋଇଥିବା ଜଣାପଡିଛି । ଗାଡି ଚାଳକର ଆଖି ଲାଖି ଯିବା ଯୋଗୁଁ ଏହି ଦୁର୍ଘଟଣା ଘଟିଥିବା ଅନୁମାନ କରାଯାଉଛି । ଘଟଣାସ୍ଥଳରେ ପୋଲିସ ପହଁଚି ତଦନ୍ତ ଆରମ୍ଭ କରିଛି ।
