ବାଲେଶ୍ୱର ( ଏଟିଆର ବ୍ୟୁରୋ): ବାଇକକୁ ଧକ୍କା ଦେଲା କାର । ପୋଲ ତଳକୁ ଖସି ପଡିଲା କାର । ବାଇକରେ ଥିବା ତିନି ଜଣଙ୍କ ସମେତ କାରରେ ଥିବା ୨ ଜଣ ଗୁରୁତ୍ତର ହୋଇଛନ୍ତି । ଏଭଳି ଏକ ଦୁର୍ଘଟଣା ଘଟିଛି ବାଲେଶ୍ୱର ଜିଲ୍ଲା କମର୍ଦ୍ଦା ଥାନା କଣ୍ଠାଳିଆ ଛକରେ ଏହି ଦୁର୍ଘଟଣା ଘଟିଛି । ତେବେ ବାଇକରେ ତିନିଜଣ ବସିଥିବାରୁ ବାଇକଟି ଭାରସ୍ୟାମ ହରାଇ କାରକୁ ଧକ୍କା ଦେଇଥିଲା ।
କାରଟି ମଧ୍ୟ ବାଇକ ସହିତ ମୁହାଁ ମୁହିଁ ହେବା ପରେ ଧକ୍କା ହେବା ପରେ କାରଟି ପୋଲ ତଳକୁ ଖସି ପଡିଥିଲା । ଏଥିରେ ଥିବା ଗାଡି ଚାଳକଙ୍କ ସମେତ ଜଣେ ଯାତ୍ରୀ ମଧ୍ୟ ଗୁରୁତର ହୋଇଛନ୍ତି । ସେହିଭଳି ବାଇକରେ ଥିବା ୩ ଗାଡି ଚାଳକ ମଧ୍ୟ ଗୁରୁତର ଆହତ ହୋଇଛନ୍ତି ।
ସମସ୍ତ ଆହତ ମାନଙ୍କୁ ଜଳେଶ୍ୱର ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରା ଯାଇଥିଲା । ସେଠାରେ ତିନି ଜଣଙ୍କ ଅବସ୍ଥା ସଂଙ୍କଟାପଣ୍ଣ ହେବାରୁ ସେମାନଙ୍କୁ ବାଲେଶ୍ୱର ଜିଲ୍ଲା ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତରିତ କରାଯାଇଛି । ସେଠାରେ ସେମାନଙ୍କ ଅବସ୍ଥାରେ ଏବେ ସାମାନ୍ୟ ସୁଧାର ଆସିଥିବା ଜଣା ପଡିଛି ।
