କାଠମାଣ୍ଡୁ ( ଏଟିଆର ବ୍ୟୁରୋ): ହଠାତ ମଝିରାସ୍ତାରେ ଜଳି ଉଠିଲା ହାଇବା ଟ୍ରକ । କ୍ଷଣିକ ମଧ୍ୟରେ ପୋଡିଗଲା କ୍ୟାବିନ । ଏମିତି ଏକ ଭୟାନକ ଅଗ୍ନିକାଣ୍ଡ ଘଟିଛି ବଡବିଲ କାଠ ମାଣ୍ଡୁ ନିକଟରେ । ଭୋର ପାଞ୍ଚଟା ବେଳେ ଘଟିଛି ଅଗ୍ନିକାଣ୍ଡ । ଟ୍ରକଟି ଆଇରନ ନେଇ ଆସୁଥିବା ବେଳେ ଅଧା ବାଟରେ ଜଳି ଉଠିଲା ଟ୍ରକ ।
ସୂଚନା ଅନୁସାରେ କେ.ଏନ୍. ରାମ୍ ଖଣିରୁ ଆଇରନ୍ ବୋଝେଇ କରି ମାଟକାମବେଡା ସ୍ଥିତ ଆରିୟା ପ୍ଲାଂଣ୍ଟକୁ ଯାଉଥିବା ବେଳେ ସକାଳ ୫ଟା ବେଳେ ବଡବିଲ କାଠ ଡିପୁ ନିକଟରେ ଟ୍ରକରେ ନିଆଁ ଲାଗିଯାଇଥିଲା । ଏହା ଦେଖି ଗାଡି ଚାଳକ ଗାଡିକୁ ରାସ୍ତା କଡ଼ରେ ଛିଡ କରି ଓହ୍ଲାଇ ପଡ଼ଥିଲେ । ଏନେଇ ଅଗ୍ନିଶମ ବିଭାଗ ଖବର ଦିଆଯିବା ପରେ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲେ । ଗାଡିଟି ସମ୍ପୂର୍ଣ୍ଣ ଜଳି ଯାଇଛି । ତେବେ ଗାଡିଟିରେ ସର୍ଟ ସର୍କିଟ ଯୋଗୁ ଗାଡିରେ ନିଆଁ ଲାଗି ଯାଇଥିବା ଅନୁମାନ କରାଯାଉଛି ।
