ମୁମ୍ବାଇ(ଏଟିଆର ବ୍ୟୁରୋ): ଚଳିତ ବର୍ଷ ବଲିଉଡରେ ଅନେକ ନୂଆ ଯୋଡି ଏଣ୍ଟ୍ରି କରିଛନ୍ତି । ଏବେ ଆଉ ଏକ ନୂଆ ଯୋଡି ପରଦାରେ ନଜର ଆସିବେ ।
ବଲିଉଡ୍ ର ହ୍ୟାଣ୍ଡସମ୍ ହିରୋ ରଣବିର କପୁର ଏବଂ ଶ୍ରଦ୍ଧା କପୁର ଏକାଠି ନଜର ଆସିବାକୁ ଯାଉଛନ୍ତି । ରଣବିରଙ୍କ ଉପରେ ସମଗ୍ର ଦେଶର ଝିଅ ଫିଦା ଥିବା ବେଳେ ଶ୍ରଦ୍ଧାଙ୍କର ଅଗଣିତ ଫ୍ୟାନ୍ସ ଅଛନ୍ତି । ତେବେ ଶ୍ରଦ୍ଧା ଓ ରଣବିରଙ୍କ ଫ୍ୟାନ୍ସ ମାନଙ୍କ ଏହା ଏକ ଗୁଡ ନ୍ୟୁଜ ।
ସେପଟେ ଫିଲ୍ମର ନାଁ ଓ କାହାଣୀ ବିଷୟରେ ଏପର୍ଯ୍ୟନ୍ତ କିଛି ସ୍ପଷ୍ଟ ସୂଚନା ମିଳିପାରିନି । ଏହି ଫିଲ୍ମ ଟିକୁ ଲଭ ରଞ୍ଜନ ଓ ଅଙ୍କୁର ଗର୍ଗ ମିଶି ତିଆରି କରୁଛନ୍ତି ।
ପୁର୍ବରୁ ରଣବିର ଓ ଶ୍ରଦ୍ଧାଙ୍କ ପ୍ରଶଂସକ ଦୁହିଁକୁ ଏକାଠି ଦେଖିବା ପାଇଁ ବହୁ ଅପେକ୍ଷା କରିଥିଲେ, ହେଲେ ଏବେ ସେମାନଙ୍କର ସବୁ ଅପେକ୍ଷାର ଅନ୍ତ ଘଟାଇ ଫିଲ୍ମଟି ପରଦାକୁ ବହୁତ ଜଲଦି ଆସିବାକୁ ଯାଉଛି ।
ସୁଚନା ଅନୁସାରେ ଫିଲ୍ମର ସୁଟିଂ ଆସନ୍ତା ଜାନୁୟାରୀ ଠାରୁ ଆରମ୍ଭ ହେବାକୁ ଯାଉଛି ।
