ଭୁବନେଶ୍ୱର (ଏଟିଆର ବ୍ୟୁରୋ): ଓଡିଆ ପୁଅ ଜିତେନ୍ଦ୍ର ମିଶ୍ରଙ୍କ ପ୍ରଯୋଜିତ ସିନେମା ‘ଦ ଲାଷ୍ଟ କଲର୍’ ଏବେ ଓସ୍କାର ଦୌଡ ସାମିଲ ହୋଇଛି । ବିଶ୍ୱର ସର୍ବବୃହତ ଚଳଚ୍ଚିତ୍ର ପୁରସ୍କାର ଓସ୍କାର ୨୦୧୯ରେ ସାମିଲ ହୋଇଥିବା ଚଳଚ୍ଚିତ୍ରର ତାଲିକା ଏକାଡେମୀ ଅଫ ମୋସନ ପିକର୍ଚସ ଆର୍ଟସ ସାଇସେନସ୍ ଦ୍ୱାରା ପ୍ରକାଶ ପାଇଛି । ଓସ୍କାର ଦୌଉଡରେ ୩୪୪ଟି ଫିଲ୍ମ ସ୍ଥାନ ପାଇଥିବା ବେଳେ ଓଡିଆ ପୁଅ ଜିତେନ୍ଦ୍ର ମିଶ୍ରଙ୍କ ପ୍ରଯୋଜିତ ହିନ୍ଦୀ ଫିଲ୍ମ ‘ଦ ଲାଷ୍ଟ କଲର୍’ ଟି ସ୍ଥାନ ପାଇଛି ।
ଏହି ଫିଲ୍ମଟିକୁ ବିକାଶ ଖନ୍ନା ନିର୍ଦ୍ଦେଶନା ଦେଇଥିବା ବେଳେ ବଲିଉଡର ଲୋକପ୍ରିୟ ଅଭିନେତ୍ରୀ ନିନା ଗୁପ୍ତା ଅଭିନୟ କରିଛନ୍ତି । ତେବେ ଓଡିଶା ପାଇଁ ଗର୍ବ ଆଣିଥିବା ଜିତେନ୍ଦ୍ରଙ୍କ ଜନ୍ମସ୍ଥାନ ଓଡିଶାର ଟିଟିଲାଗଡ ଅଟେ ।
