ମୁମ୍ବାଇ(ଏଟିଆର ବ୍ୟୁରୋ): ଆଜି ନିଜର ୩୪ତମ ଜନ୍ମଦିନ ପାଳନ କରୁଛନ୍ତି ବଲିଉଡର ଡିମ୍ପଲ ଗାର୍ଲ ଦୀପିକା ପାଦୁକନ୍ । ଏହି ଅବସରରେ ତାଙ୍କ ଫ୍ୟାନ୍ସ ମାନଙ୍କର ଶୁଭେଚ୍ଛା ଛୁଟିବାରେ ଲାଗିଛି । ବଲିଉଡ୍ ର ବଡ ବଡ ସେଲିବ୍ରିଟିମାନେ ମଧ୍ୟ ଦୀପିକାଙ୍କୁ ତାଙ୍କ ଜନ୍ମଦିନର ଶୁଭେଚ୍ଛା ଜଣାଇଛନ୍ତି ।
ଦୀପିକା ନିଜ ଅଭିନୟର ଯାଦୁରେ ତାଙ୍କ ଦର୍ଶକ ମାନଙ୍କୁ ବାନ୍ଧି ରଖିଛନ୍ତି । ଛୋଟରୁ ବଡ ସମସ୍ତେ ଏହି ଚୁଲବୁଲି ଅଭିନେତ୍ରୀଙ୍କ ଫ୍ୟାନ । ଗୋଟିଏ ପରେ ଗୋଟିଏ ହିଟ ଫିଲ୍ମ ଦେଇ ଦୀପିକା ବଲିଉଡ୍ ରେ ନିଜ ସ୍ଥାନ ବଜାୟ ରଖିଛନ୍ତି ।
ଆଗକୁ ଦୀପିକାଙ୍କର ବହୁ ପ୍ରତିକ୍ଷିତ ଫିଲ୍ମ ‘ଛପାକ୍’ ରିଲିଜ୍ ହେବାକୁ ଯାଉଛି । ଯାହାକୁ ନେଇ ଦୀପିକା ନିଜ ଫିଲ୍ମର ପ୍ରମୋସନରେ ବ୍ୟସ୍ଥ ଅଛନ୍ତି । ତାଙ୍କ ଫ୍ୟାନ୍ସ ମାନେ ମଧ୍ୟ ବହୁ ଉତ୍ସାହର ସହିତ ଫିଲ୍ମର ରିଲିଜ୍ ପାଇଁ ଅପେକ୍ଷା କରିଛନ୍ତି ।
ଫିଲ୍ମଟି ଏସିଡ୍ ଆଟାକ ଉପରେ ଆଧାରିତ ହୋଇଥିବା ବେଳେ ଦୀପିକା ଏଥିରେ ଏସିଡ୍ ଆଟାକ ପୀଡିତା ଲକ୍ଷ୍ମୀ ଅଗ୍ରୱାଲଙ୍କ ଚରିତ୍ରରେ ନଜର ଆସିବେ । ତେବେ ଫିଲ୍ମଟି ଆସନ୍ତା ଜାନୁଆରୀ ୧୦ ତାରିଖରେ ରିଲିଜ୍ ହେବାକୁ ଯାଉଛି ।
