ମୁମ୍ବାଇ (ଏଟିଆର ବ୍ୟୁରୋ): ଆଦିତ୍ୟ ରାୟ କପୁର ଏବଂ ଦୀଶା ପଟ୍ଟାନୀ ଷ୍ଟାରର ଫିଲ୍ମ ‘ମଲଙ୍ଗ’ କୁ ଦେଖିବା ପାଇଁ ଦର୍ଶକ ଅପେକ୍ଷା କରି ରହିଛନ୍ତି । ଫିଲ୍ମର ଟ୍ରେଲର ରିଲିଜ୍ ହେବା ପରେ ଫିଲ୍ମକୁ ନେଇ ଚର୍ଚ୍ଚା ଜୋର ଧରିଛି । ଏବେ ଏହି ଫିଲ୍ମର ଟାଇଟେଲ ଟ୍ରାକ୍ ରିଲିଜ୍ ହୋଇଛି । ଗୀତରେ ଆଦିତ୍ୟ ଏବଂ ଦିଶାଙ୍କ ସାନ୍ଦାର କେମେଷ୍ଟ୍ରି ଦେଖିବାକୁ ମିଳିଛି । ଏହାସହିତ ଦୁହିଁଙ୍କର ଅନେକ ରୋମାଣ୍ଟିକ୍ ସିନ୍ ମଧ୍ୟ ନଜରକୁ ଆସିଛି ।
ଏହି ଗୀତରେ ଆଦିତ୍ୟ ଏବଂ ଦିଶା ପାଣି ଭିତରେ ଦୁହେଁ ଦୁହିଁଙ୍କୁ ଲିପ୍ ଲକ୍ କରୁଥିବାର ଦେଖିବାକୁ ମିିଳିଛି । ଏହାସହିତ ଏଥିରେ ଆଦିତ୍ୟଙ୍କ ଆକ୍ସନ ଲୁକ୍ ମଧ୍ୟ ନଜର ଆସୁଛି । ଏଥିରେ ପ୍ରଥମ ଥର ପାଇଁ ଆଦିତ୍ୟ ଏବଂ ଦିଶା ସ୍କ୍ରିନ୍ ସେୟାର କରିଛନ୍ତି । ଦୁହିଁଙ୍କ ଯୋଡିକୁ ଦର୍ଶକ ଖୁବ୍ ପସନ୍ଦ ମଧ୍ୟ କରୁଛନ୍ତି ।
ଏହା ଏକ ଥ୍ରିଲର ଫିଲ୍ମ । ଯେଉଁଥିରେ ଭରପୁର ମାତ୍ରାରେ ଡ୍ରାମା, ଆକ୍ସନ, ଲଭ୍ ଏବଂ ରୋମାନ୍ସ ଆଦି ଦେଖିବାକୁ ମିଳିବ । ଏହି ଫିଲ୍ମରେ ଆଦିତ୍ୟ ଏବଂ ଦିଶାଙ୍କ ବ୍ୟତିତ କୁଣାଲ ଖେମୁ ଏବଂ ଅନୀଲ କପୁର ବି ମୁଖ୍ୟ ଭୂମିକାରେ ନଜର ଆସିବେ । ଫିଲ୍ମଟି ଫେବୃଆରୀ ୭ ରେ ରିଲିଜ୍ ହେବ ।
