ଭୁବନେଶ୍ୱର,(ଏଟିଆର ବ୍ୟୁରୋ): ଆଖି ପିଛୁଳାକେ ଝାମ୍ପି ନେଉଥିବା ଏକ ଚେନ ଲୁଟେରା ଗ୍ୟାଙ୍ଗକୁ ଠାବ କରିଛି କମିଶନରେଟ ପୁଲିସ । ୩ଜଣଙ୍କୁ ଗିରଫ କରିବା ସହ ସେମାନଙ୍କ ପାଖରୁ ଜବତ କରିଛିି ୫ଟି ସୁନାଚେନ୍ । ଯାହାର ଓଜନ ପ୍ରାୟ ୪୩ଗ୍ରାମ ହେବ ବୋଲି ଜଣାପଡିଛି । ପୁଲିସଠୁ ମିଳିଥିବା ରିପୋର୍ଟ ଅନୁସାରେ, ଗିରଫ ଅଭିଯୁକ୍ତମାନେ ହେଲେ ରାଜକିଶୋର ମଲ୍ଲିକ, ରାଜକୁମାର ଠାକୁରୀ ଓ ସୋନି ନାୟକ ।
ଏହି ଗ୍ୟାଙ୍ଗ ସାଧାରଣତଃ କ୍ୟାପିଟାଲ, ଖଣ୍ଡଗିରି ଓ ଲିଙ୍ଗରାଜ ଥାନା ଅଞ୍ଚଳରେ ଅଧିକ ଉତ୍ପାତ ହେଉଥିଲେ । ଏମାନଙ୍କ ପାଖରୁ ଏକ ସ୍କୁଟି ମଧ୍ୟ ଜବତ କରିଛି ପୁଲିସ । ରାଜଧାନୀରେ ଆତଙ୍କ ରଚିଥିବା ଏହି ଗ୍ୟାଙ୍ଗକୁ ଧରିବା ଲାଗି ପୁଲିସ ଢ଼େରଦିନ ହେବ ଜାଲ ବିଛାଇଥିଲା । ସୁରାକ ମିଳିବା ପରେ ପୁଲିସ ପ୍ରଥମେ ଜଣଙ୍କୁ ଉଠାଇ ଆଣିଥିଲା । ତାକୁ ଅଟକ ରଖି ପଚରାଉଚରା କରିବା ପରେ ଅନ୍ୟମାନଙ୍କ ସମ୍ପର୍କରେ ସୂଚନା ମିଳିଥିଲା ।
