ଭୁବନେଶ୍ୱର,(ଏଟିଆର ବ୍ୟୁରୋ): ସେକ୍ସ ରାକେଟ ଉପର ରୋକ ଲଗାଇବାକୁ ଆକ୍ସନ ମୁଡରେ ଏବେ କମିଶନରେଟ ପୁଲିସ । ଗତକାଲି ସହିଦନଗର ଥାନା ଅଞ୍ଚଳରେ ଏକ ଘର ଉପରେ ପୁଲିସ ଚଢ଼ାଉ କରିଥିବା ବେଳେ ଆଜି ସ୍କାନରକୁ ଆସିଛି କ୍ୟାପିଟାଲ ଥାନା ଅଧିନରେ ଥିବା ଏଚ ଟୁ ଓ ସ୍ପା ସେଣ୍ଟର । ପୁଲିସ ଅଚାନକ ସେଠାରେ ଚଢ଼ାଉ କରି ୮ଜଣ ବିଦେଶୀ ଯୁବତୀଙ୍କୁ ଉଦ୍ଧାର କରିବା ସହ ୭ଜଣ ଗ୍ରାହକଙ୍କୁ ଅଟକ ରଖିଛି । ଦୀର୍ଘଦିନ ହେବ ବାପୁଜୀନଗର ଅଞ୍ଚଳରେ ଥିବା ଏହି ସ୍ପାରେ ମସାଜ ଆଳରେ ସେକ୍ସ କାରବାର ଚାଲୁଥିବା ନେଇ ଅଭିଯୋଗ ହୋଇଥିଲା । ପୁଲିସ ପୂରା ଘଟଣା ଉପରେ ନଜର ରଖିଥିଲା । ଆଜି ସୂଚନା ମିଳିବା ପରେ ଅଚାନକ ରେଡ ମାରିଥିଲା ।
