ମୁମ୍ବାଇ (ଏଟିଆର ନ୍ୟୁଜ): ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାର ରହସ୍ୟ ଖୋଲିନି । ଏବେ ପୁଣି ଆତ୍ମହତ୍ୟା କରିଛନ୍ତି ଆଉଜଣେ ଅଭିନେତା । ୟେ ରିସ୍ତା ହେଁ ପ୍ୟାର କେ ସିରିଏଲର ଅଭିନେତା ସମୀର ଶର୍ମା ୪୪ ବର୍ଷରେ ମୁମ୍ବାଇର ମାଲାଡ ସ୍ଥିତ ବାସ ଭବନରେ ଆତ୍ମହତ୍ୟା କରିଛନ୍ତି । ସମୀରଙ୍କୁ ତାଙ୍କ ବାସଭବନରୁ ଝୁଲୁଥିବା ଦେଖିବାକୁ ମିଳିଥିଲା ପରେ ତାଙ୍କୁ ମାଲାଡ ପୋଲିସ ଝୁଲନ୍ତା ଅବସ୍ଥାରେ ଶବକୁ କାଢିଥିଲେ । ସେ ପ୍ରାୟ ତିନି ଦିନ ପୂର୍ବରୁ ଆତ୍ମହତ୍ୟା କରିଥିବା କଥା ଜଣା ପଡିଛି ।
ସମୀର ରହୁଥିବା ଘରର ସିକ୍ୟୁରିଟି ଗାର୍ଡ ତାଙ୍କ ଆତ୍ମହତ୍ୟା ବାବଦରେ ଜାଣିବା ପରେ ମାଲାଡ ପୋଲିସକୁ ଜଣାଇଥିଲେ । ଏହା ପରେ ପୋଲିସ ସେ ରହୁଥିବା ଘରେ ପହଞ୍ଚିଥିଲେ । ପୋଲିସ ପହଞ୍ଚିଲା ସମୟରେ ସମୀରଙ୍କ ଶରୀରର ଅବସ୍ଥା କ୍ଷୟ ହେବାକୁ ଲାଗିଥିଲା । ସେ ତାଙ୍କ ରୁମରେ କୌଣସି ସ୍ୟୁସାଇଡ ନୋଟ ରଖି ନାହାନ୍ତି ବୋଲି ସୂଚନା ମିଳିଛି ।
