ମୁମ୍ବାଇ (ଏଟିଆର ବ୍ୟୁରୋ): ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲାକୁ ନେଇ ବର୍ତ୍ତମାନ ଇଡି ଓ ସିବିଆଇ ତଦନ୍ତ ଚାଲିଛି । ଗତ ସୋମବାର ଦିନ ଇଡି ଅଫିରେ ହାଜର ହୋଇଥିଲେ ରିୟା ଓ ତାଙ୍କ ଭାଇ ଏବଂ ବାପା । ଇଡି ତାଙ୍କୁ ପ୍ରାୟ ୧୦ ଘଣ୍ଟା ଧରି ସୁଶାନ୍ତଙ୍କ ସମ୍ପତି ଓ ତାଙ୍କ ବିଷୟରେ ପ୍ରଶ୍ନ ପଚାରି ଥିଲେ । ଏହା ପରେ ଆଜି ଇଡି ଅଫିସରେ ହାଜିର ହୋଇଛନ୍ତି ସୁଶାନ୍ତଙ୍କ ଏକ୍ସ-ମ୍ୟାନେଜର ଶ୍ରୁତି ମୋଦି ଓ ତାଙ୍କ ସାଙ୍ଗ ସିଦ୍ଧାର୍ଥ ପିଠାନି । ଆଜି ଇଡି ସେମାନଙ୍କୁ ଜେରା କରିବ । ଏହି ମାମଲାରେ ଗୁରୁତ୍ବପୂର୍ଣ୍ଣ ଶୁଣାଣି ହେବାର ଅଛି । ଆଜି ସୁପ୍ରିମ କୋର୍ଟ ରିୟା ଚକ୍ରବର୍ତ୍ତୀଙ୍କ ଆବେଦନ ଉପରେ ନିଷ୍ପତ୍ତି ନେବ ଓ ଏହା ସହିତ ନିଷ୍ପତି ନିଆଯିବ ଯେ ସୁଶାନ୍ତଙ୍କ ମାମଲାର ସିବିଆଇ ତଦନ୍ତ କରିବ ନା ମୁମ୍ବାଇ ପୋଲିସ୍। ଏହା ଛଡା ବିହାର,ମହାରାଷ୍ଟ୍ର ସରକାର ,କେନ୍ଦ୍ର ସରକାର ଏବଂ ସୁଶାନ୍ତ ସିଂହ ରାଜପୁତଙ୍କ ବାପାଙ୍କ ଦାଖଲ ହୋଇଥିବା ଫାଇଲ ଉପରେ ନିଷ୍ପତ୍ତି ଶୁଣାଇବ ସୁପ୍ରିମ କୋର୍ଟ ।
