ନୂଆଦିଲ୍ଲୀ(ଏଟିଆର ବ୍ୟୁରୋ): ଦିନକୁ ଦିନ ଏବେ ତୈଳ ଦର ବଢିବାରେ ଲାଗିଛି । ଖାସ କରି ଭାରତୀୟ ବଜାରରେ । ତୈଳ ଦର ଥମିବାରେ ମାନିବାର ନାଁ ନେଉନାହିଁ । ତୈଳ କମ୍ପାନୀମାନେ ପେଟ୍ରୋଲ ଦର ତୃତୀୟ ଥର ବୃଦ୍ଧି କରିଛନ୍ତି । ସେହିପରି ଘରୋଇ ବଜାରରେ ମଧ୍ୟ ଗତ ସପ୍ତାହକ ମଧ୍ୟରେ ତୈଳ ଦର ଛଅ ବଢିଛି।
ଦିଲ୍ଲୀରେ ପେଟ୍ରୋଲ ଦର ୧୬ ପଇସା ବୃଦ୍ଧି ପାଇ ୮୧.୩୫ ଟଙ୍କାରେ ପହଁଚିଛି । ସେହିପରି ମୁମ୍ବାଇରେ ପେଟ୍ରୋଲ ଦର ଲିଟର ପିଛା ୮୮.୦୨ ଟଙ୍କା ରହିଛି ।
ତେବେ ଡିଜେଲ ଦର ଗତ ୨୩ ଦିନ ଧରି ସ୍ଥିର ରହିଛି । ପେଟ୍ରୋଲ ଦର ମଧ୍ୟ ଗତ ଜୁଲାଇ ୨୯ ତାରିଖ ଯାଏଁ ସ୍ଥିର ରହିଥିଲା କିନ୍ତୁ ଡିଜେଲ ଦର ଅସ୍ଥିର ଥିଲା । ତେବେ ୨୯ ତାରିଖରୁ ଡିଜେଲ ଦର ସ୍ଥିର ରହିଛି । ଗତ ୧୬ ତାରିଖରୁ ପେଟ୍ରୋଲ ଦର ପୁଣି ବୃଦ୍ଧି ପାଇବାରେ ଲାଗିଥିଲା ।
ଅଗଷ୍ଟ ୧୬ ତାରିଖରୁ ଏବେସୁଦ୍ଧା ପେଟ୍ରୋଲ ଦରରେ ୯୨ ପଇସା ଅଭିବୃଦ୍ଧି ଘଟିଛି । ଦିଲ୍ଲୀ ସରକାର ଗତ ଜୁଲାଇ ୩୦ରେ ପେଟ୍ରୋଲ ଓ ଡିଜେଲ ଉପରେ ୧୩.୨୫ ପ୍ରତିଶତ ଟିକସ୍ ଛାଡ୍ କରିବା ନେଇ ଘୋଷଣା କରିଥିଲେ । ଏହାପରେ ଡିଜେଲ ଦରରେ ୮.୩୬ ପଇସା ହ୍ରାସ ପାଇ ୭୩.୫୬ ଟଙ୍କାରେ ପହଁଚିଥିଲା । ଡିଜେର ଦରରେ କୌଣସି ପରିବର୍ତ୍ତନ ଦେଖାଯାଇ ନଥିବା ବେଳେ ପେଟ୍ରୋଲ ଦରରେ ବୃଦ୍ଧି ପାଇଁ ଲୋକଙ୍କ ଚିନ୍ତା ବଢିଛି ।
