ଭୁବନେଶ୍ୱର (ଏଟିଆର ବ୍ୟୁରୋ):ଧୀରେ ଧୀରେ ଓଲିଉଡ ଇଣ୍ଡଷ୍ଟ୍ରିର ଚାହିଦା ବଢିବାରେ ଲାଗିଛି । ଏହାକୁ ନଜରରେ ରଖି ଇଣ୍ଡଷ୍ଟ୍ରିର ବିଭିନ୍ନ ବ୍ୟାନରରେ ଭିନ୍ନ ଭିନ୍ନ ଫିଲ୍ମ ନିର୍ମାଣ କରାଯାଉଛି । ନିକଟରେ ଆଉ ଏକ ଫିଲ୍ମର ଶୁଭ ମହୁରତ ଅନୁଷ୍ଠିତ ହୋଇ ଯାଇଛି । ଏହି ଫିଲ୍ମଟିିର ଟାଇଟଲ ରହିଛି ‘ସାଥୀ ତୁ ଫେରିଆ’ । ଆଜ୍ଞା ହଁ ହୋଟେଲ ଏଚ୍ଏଚ୍ଆଇ ଠାରେ ଏହି ଫିଲ୍ମର ଶୁଭ ମହୁରତ ଅନୁଷ୍ଠିତ ହୋଇଛି । ଏହି ଅବସରରେ ଫିଲ୍ମ ପ୍ରଯୋଜକ ବିନି ସାମଲ, ନିହାର ସାମଲ, ନିର୍ଦ୍ଦେଶକ ସୁଧାକର ବସନ୍ତ ଜି-ସାର୍ଥକ ମୁଖ୍ୟ ସୀମାନ୍ତ ଦାଶ, ଚିନ୍ମୟ ପଟ୍ଟନାୟକ, ଦିଲୀପ ହାଲି ଏବଂ ଇଣ୍ଡିଆନ ଓଭରସିଜ୍ ବ୍ୟାଙ୍କର ଡେପୁଟି ଜେନେରାଲ ମ୍ୟାନେଜର ଏସ୍ ଶଙ୍କର ରାଓ ପ୍ରମୁଖ ଉପସ୍ଥିତ ରହି ଏହି ଶୁଭ ମହୁରତରେ ତାଳି ମାରିଥିଲେ ।
‘ସାଇ ଶ୍ରଦ୍ଧା ଷ୍ଟୁଡିଓ’ର ପ୍ରଥମ ଚଳଚ୍ଚିତ୍ର ‘ସାଥୀ ତୁ ଫେରିଆ’ରେ ମୁଖ୍ୟ ଭୂମିକାରେ ଅଛନ୍ତି ଅଭିନେତା ଜ୍ୟୋତି ଏବଂ ଅଭିନେତ୍ରୀ ଅନୁଭା ପଣ୍ଡା । ଏମାନଙ୍କ ବ୍ୟତୀତ ମହେଶ୍ୱତା ରାୟ,ମଣ୍ଟୁ, ଅନିଷା ଏବଂ ପିଣ୍ଟୁ ନନ୍ଦ ପ୍ରମୁଖ ଅଛନ୍ତି । ଫିଲ୍ମଟି ରଥ ଯାତ୍ରା ସମୟରେ ପରଦାକୁ ଆସିବ ବୋଲି ମିଡିଆ ପ୍ଳାନର ପ୍ରଣୟ ଜେଠୀ କହିଛନ୍ତି ।
