ନୂଆଦିଲ୍ଲୀ (ଏଟିଆର ବ୍ୟୁରୋ): ବିଜେଡି ପକ୍ଷରୁ କେନ୍ଦ୍ର ସରକାର ଆଣିଥିବା କୃଷି ବିଲକୁ ବିରୋଧ କରାଯାଇଛି । କୃଷି ବିଲକୁ ନେଇ ରାଜ୍ୟସଭାରେ ବିଜେଡି ପକ୍ଷରୁ ବିରୋଧ କରାଯାଇଛି । ଏହି ବିଲକୁ ରାଜ୍ୟସଭାରଆଲୋଚନା ସମୟରେ ବିଜେଡି ସାଂସଦ ଅମର ପଟ୍ଟନାୟକ ବିରୋଧ କରିବା ସହ କହିଛନ୍ତି କି, ଏହି ବିଲରେ କ୍ଷୁଦ୍ର ଓ ନାମମାତ୍ର ଚାଷୀଙ୍କ ସୁରକ୍ଷା ନେଇ କୌଣସି ବୃବସ୍ଥା କରାଯାଇନାହିଁ ବୋଲି ସାଂସଦ କହିଥିଲେ ।
ଏହାସହ ଏହି ବିଲକୁ ସିଲେକ୍ଟ କମିଟି ପାଖକୁ ପଠାଇବାକୁ ସେ ଦାବି କରିଥିଲେ । ପୂର୍ବରୁ ଏହି ବିଲ ଲୋକସଭାରେ ପାରିତ ହୋଇସାରିଥିବା ବେଳେ ଆଜି ଏହି ବିଲକୁ ନେଇ ପ୍ରବଳ ହଟ୍ଟଗୋଳଓ ହୋହଲ୍ଲା ଦେଖିବାକୁ ମିଳିଥିଲା । ବିରୋଧୀମନେ ଏହି ବିଲକୁ ବିରୋଧ କରିବା ସହ ଏହା ବିରୋଧରେ ନାରାବାଜି ମଧ୍ୟ କରିଥିଲେ । ଖାଲି ସେତିକି ନୁହେଁ ଟିଏମସି ସାଂସଦ ଉପାଧ୍ୟକ୍ଷଙ୍କ ଟେବୁଲରୁ ଡ୍ରାଫ କପି ଛଡାଇ ନେଇ ଚିରି ଦେଇଥିଲେ ।
