ନୂଆଦିଲ୍ଲୀ (ଏଟିଆର ବ୍ୟୁରୋ): ଷ୍ଟାର ପ୍ଲସର ଧାରାବାହିକର, ବହୁ ‘ଦିୟା ବାତି ଔର ହମ୍’ରେ ଆଇପିଏସ୍ ଅଫିସର୍ ସଂଧ୍ୟା ରାଠି ସାଜିଥିବା ଦୀପିକା ସିଂ ଏଥର କିଛି ଭିନ୍ନ ଭାବେ ନବରାତ୍ରୀ ପାଳନ କରୁଛନ୍ତି । ସେ ନବରାତ୍ରୀର ପ୍ରତ୍ୟେକ ଦିନ କିଛି ନା କିଛି ଖାସ୍ କରିବା ସହିତ ଫଟୋ ଓ ଭିଡିଓ ସୋସିଆଲ ମିଡିଆରେ ନିଜ ପ୍ରଶଂସକଙ୍କ ସହ ସେୟାର କରୁଛନ୍ତି । ହଳଦିଆ ରଂଗର ଏକ ଲେହେଙ୍ଗା ପିନ୍ଧି ଗର୍ବା ନାଇଟ୍ର ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ରୋମାଂଟିକ୍ ଅନ୍ଦାଜ୍ରେ ଡାନ୍ସ କରୁଥିବାର ନଜର ଆସୁଛନ୍ତି । ଏହି ଭିଡିଓରେ ସେ ରଣବୀର କପୁରଙ୍କ ଫିଲ୍ମ ‘ ଅଜବ୍ ପ୍ରେମ୍ କି ଗଜବ୍ କାହାନୀ ‘ ର ଗୀତ ‘ତେରା ହୋନେ ଲଗା ହୁଁ ‘ରେ ବେଶ ରୋମାଂଟିକ୍ ଅନ୍ଦାଜ୍ରେ ଡାନ୍ସ କରୁଥିବା ନଜର ଆସୁଛନ୍ତି । ଦିପୀକାଙ୍କ ଏହି ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେବା ସହିତ, ପ୍ରଶଂସକମାନେ ଏହାକୁ ବେଶ ପସନ୍ଦ କରୁଛନ୍ତି । ଏହି ଭିଡିଓରେ ଦୀପିକାଙ୍କ ଲୁକକୁ ଯେତେ ପ୍ରଶଂସା କଲେ ମଧ୍ୟ କମ୍ ହେବ, କାହିଁକି ନାଁ ସେ ଏଥିରେ ଏକଦମ୍ ଜବରଦସ୍ତ ଦେଖାଯାଉଛନ୍ତି । ଏହି ଭିଡିଟିରେ ଦୀପିକା ଅଧିକ ସୁନ୍ଦର ଦେଖାଯାଉଛନ୍ତି । ତେଣୁ ତାଙ୍କ ଫ୍ୟାନ୍ସମାନେ ଏହାକୁ ଅଧିକ ପସନ୍ଦ କରିଛନ୍ତି । ଆଜିକାଲି ଦୀପିକା ସିଂ ସୋସିଆଲ ମିଡିଆରେ ବେଶ ଆକ୍ଟଭ୍ ଥିବା ଦେଖିବାକୁ ମିଳୁଛି । ଯେଉଁଥିରେ ସେ ଡାନ୍ସ ଭିଡିଓ,ଫଟୋ, ମେକଅପ୍ ଟିପ୍ସ ସେୟାର କରୁଥିବା ଦେଖାଯାଉଛି । ଦିପୀକା ୨୦୧୧ ରୁ୨୦୧୬ ପର୍ୟ୍ୟନ୍ତ ‘ଦିୟା ବାତି ଔର ହମ୍’ରେ ସଂଧ୍ୟା ରାଠି ଭୂମିକାରେ ଅଭିନୟ କରୁଥିଲେ । ସେ ଏହି ଧାରାବାହିକରେ ଭଲ ଅଭିନୟ କରିଥିଲେ ଯାହାପାଇଁ ତାଙ୍କୁ ଲୋକେ ଅଧିକ ପସନ୍ଦ କରୁଥିଲେ । ।
