ମୁମ୍ବାଇ (ଏଟିଆର ବ୍ରୁରୋ): ଟେଲିଭିଜନ ଅଭିନେତ୍ରୀ ତଥା ବିଗ୍ ବସ୍ ୧୧ ର ବିଜୟନୀ ଶିଳ୍ପା ସିନ୍ଧେ ଗତ କିଛି ଦିନ ତଳେ କମେଡି ସୋ’ ‘ଗେମ୍ସ ଅଫ୍ ଫିଲ୍ମିସ୍ତାନ’ କୁ ନେଇ ଚର୍ଚ୍ଚାରେ ଥିଲେ । ଦୀର୍ଘଦିନ ପର୍ଯ୍ୟନ୍ତ କମେଡି ସୋ’ରେ ନଜର ଆସିଥିଲେ ଶିଳ୍ୱା । କିନ୍ତୁ କୌଣସି କାରଣ ବସତଃ ସେ ସୋ’କୁ ବାଏ ବାଏ କରିଦେଇଥିଲେ । ଏହାପରେ ସେ ବିଗ୍ ବସ୍ ସିଜିନ ୧୪ ରେ ସିନିଅର ଭାବେ ଏଣ୍ଟ୍ରି କରିବେ ବୋଲି ଚର୍ଚ୍ଚା ହେଉଥିଲା । କିନ୍ତୁ ପରେ ଏନେଇ ମନା କରିଥିଲେ ଶିଳ୍ପା । ମାତ୍ର ଏବେ ୱେବସିରିଜ୍ ରେ ନିଜର ଜଲୱା ଦେଖାଇବେ ଶିଳ୍ପା ।
ଖୁବ୍ ଶୀଘ୍ର ଶିଳ୍ପା ସିନ୍ଧେ ଏକ ୱେବସିରିଜ୍ ରେ ନଜର ଆସିବାକୁ ଯାଉଛନ୍ତି । ୱେବସିରିଜ୍ ‘ପୌରଶପୁର’ ରେ ଶିଳ୍ପା ସିନ୍ଧେ ଶାହି ଅବତାରରେ ନଜର ଆସିବେ । ଏଥିରେ ସେ ରାଣୀ ମୀରାବତୀଙ୍କ ଚରିତ୍ରରେ ଅଭିନୟ କରିବେ । ଏହି ଚରିତ୍ର ବିଷୟକୁ ନେଇ ଶିଳ୍ପା କହିଛନ୍ତି କି, ମୁଁ ଏହି ପ୍ରୋଜେକ୍ଟରେ ସାମିଲ ହୋଇ ବହୁତ ଖୁସୀ ଅଛି । ଯାହା ଓଟିଟି ପ୍ଲାଟଫର୍ମର ଏକ ଫ୍ରେସ କାହାଣୀ । ଏଥିରେ ମୁଁ ଏଥିରେ ରାଣୀ ମୀରାବତୀଙ୍କ ଚରିତ୍ରକୁ ନେଇ ବହୁତ ରୋମାଞ୍ଚିତ ।
