ମୁମ୍ବାଇ(ଏଟିଆର୍ ବ୍ୟୁରୋ) : କଲର୍ସର ଲୋକପ୍ରିୟ ସୋ’ ବିଗ୍ବସ୍ ୧୪ ରେ ଏବେ ୱାଇଲ୍ଡକାର୍ଡ ଭାବେ ପ୍ରବେଶ କରିଛନ୍ତି ଅଭିନେତ୍ରୀ ତଥା ପଲିଟିସିଆନ୍ ସୋନାଲି ଫୋଗେଟ । ସେ ବିଗ୍ବସ୍ରେ ପ୍ରବେଶ କରିବା ପରେ ସେ ଏବଂ ରାହୁଲ ବୈଦ୍ୟଙ୍କ ମଧ୍ୟରେ କଥାବାର୍ତ୍ତା ଚାଲିଥିବା ସମୟରେ , ସେ ତାଙ୍କ ସ୍ୱାମୀ ସଞ୍ଜୟ ଫୋଗେଟଙ୍କ ଅକାଳ ମୃତ୍ୟୁ ବିଷୟରେ କହି କାନ୍ଦିବାକୁ ଲାଗିଲେ । ଯେତେବେଳେ ରାହୁଲ୍ ତାଙ୍କ ସ୍ୱାମୀଙ୍କ ମୃତ୍ୟୁ ବିଷୟରେ ପଚାରିଲେ, ସେ କହିଲେ ଯେ ସେମାନଙ୍କର ପାରିବାରିକ ଇତିହାସ ଅଛି ଏବଂ ସେମାନଙ୍କ ପରିବାରର ଅଧିକାଂଶ ପୁରୁଷ ହଠାତ୍ ମୃତ୍ୟୁ ବରଣ କରିଥାନ୍ତି । ତାଙ୍କ ସ୍ୱାମୀଙ୍କ ମୃତ୍ୟୁ ପରେ ସେ ଅଭିନୟ ଏବଂ ରାଜନୀତି ଛାଡିବାକୁ ଚାହୁଁଥିଲେ କିନ୍ତୁ ତାଙ୍କ ଶାଶୁ ତାଙ୍କୁ ହାର ନ ମାନିବାକୁ କହିଥିଲେ ।
ସେ ଏହା ମଧ୍ୟ କହିଥିଲେ କି ସେ ଆଜି ଯାହା ବି ହୋଇଛନ୍ତି କେବଳ ତାଙ୍କ ସ୍ୱାମୀଙ୍କ କାରଣରୁ । ତାଙ୍କ ପରିବାର ବହୁତ କନ୍ଜରଭେଟିବ ଏବଂ ତାଙ୍କ ପରିବାରରେ ମହିଳା ମାନେ କାମ କରିବାକୁ ବାହାରକୁ ଯିବେ ନାହିଁ ବୋଲି ଆଗରୁ ପ୍ରଥା ଅଛି । କିନ୍ତୁ ତାଙ୍କ ସ୍ୱାମୀ ତାଙ୍କୁ କାମ କରିବାକୁ କହିଲେ ଏବଂ ସେ ତାଙ୍କୁ ବହୁତ ଭଲପାଉଥିଲେ । ତାଙ୍କ ସ୍ୱାମୀଙ୍କ ମୃତ୍ୟୁ ପରେ ସେ ୬-୭ ମାସ ଠିକ ଭାବେ ଶୋଇ ମଧ୍ୟ ନଥିଲେ । ସ୍ୱାମୀଙ୍କ ବିଷୟରେ କହିଲାବେଳେ ସୋନାଲି ବହୁତ କାନ୍ଦିଥିଲେ । ଏହାଶୁଣି ରାହୁଲ୍ ବୈଦ୍ୟ ମଧ୍ୟ କାନ୍ଦିବାକୁ ଲାଗିଲେ । ଏହା ଦେଖି ରାହୁଲ ମହାଜନ , ଆଲି ଗୋନି , ଜାସ୍ମିନ୍ ଭାସିନ ଆସି ତାଙ୍କୁ ବୁଝେଇଥିଲେ । ଏବଂ ଆଲି ଗୋନି କହିଥିଲେ ଏଠି ଆପଣ ଏକା ନାହାନ୍ତି ,ଆମେ ସମସ୍ତେ ଆପଣଙ୍କ ସହ ଅଛୁ ।
