ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଫିଲ୍ମ ‘ମକଡି’ରେ ଏକ ଶିଶୁ କଳାକାର ଭାବେ ଅଭିନୟ କରି ଦର୍ଶକଙ୍କ ମନ ଜିଣି ନେଇଥିଲେ ଶ୍ୱେତା ବସୁ । ଶ୍ୱେତା ଏବେ ବଡ ହୋଇଗଲୋଣି । ଗତ କିଛି ଦିନ ପୂର୍ବରୁ ଏକତା କପୁରଙ୍କ ଟିଭି ସିରିଏଲ ‘ଚନ୍ଦ୍ରନନ୍ଦିନୀ’ରେ ଶ୍ୱେତାଙ୍କୁ ଦେଖିବାକୁ ମିଳିଥିଲା । ଏବେ ଶ୍ୱେତା ତାଙ୍କ ବୟଫ୍ରେଣ୍ଡ ରୋହିତ ମିତଲଙ୍କ ସହ ଲୁଚାରେ ନିର୍ବନ୍ଧ କରାଇଥିବାର ଶୁଣିବାକୁ ମିଳୁଛି ।
ଏଥିରେ ଆଶ୍ଚର୍ଯ୍ୟ ହେବାର କଥା ହେଉଛି ଶ୍ୱେତାଙ୍କର ଗତ ବର୍ଷ ନିର୍ବନ୍ଧ ହୋଇଥିଲା । ଯାହାକୁ ନିଜେ ଶ୍ୱେତା ଏବେ ପ୍ରକାଶ କରିଛନ୍ତି । ୨୭ ବର୍ଷିୟା ଶ୍ୱେତା ଦୀର୍ଘ ଦିନ ହେବ ୩୧ ବର୍ଷିୟ ରୋହିତ ମିତଲଙ୍କୁ ଡେଟ କରୁଥିଲେ । ଫିଲ୍ମ ନିର୍ଦ୍ଦେଶକ ଅନୁରାଗ ବସୁଙ୍କ ସହାୟତାରେ ରୋହିତ ଏବଂ ଶ୍ୱେତାଙ୍କର ମିଳନ ହୋଇପାରିଥିଲା । ଏବଂ ରୋହିତ ନିଜେ ଜଣେ ନିର୍ଦ୍ଦେଶକ ।
ଶ୍ୱେତା ଏବଂ ରୋହିତ ଏକ ସର୍ଟ ଫିଲ୍ମରେ ଏକାଠି କାମ କରିଥିଲେ । ୪ ବର୍ଷ ପର୍ଯ୍ୟନ୍ତ ଦୁହେଁ ଦୁହିଁଙ୍କୁ ଡେଟ କରିବା ପରେ ଶ୍ୱେତା ନିଜେ ରୋହିତଙ୍କୁ ବିବାହ ପାଇଁ ପ୍ରପୋଜ କରିଥିଲେ ।
ସୂଚନା ଅନୁଯାଇ, ୨୦୧୪ରେ ଶ୍ୱେତା ହାଇଦ୍ରାବାଦର ବଞ୍ଜାର ପାହାଡରେ ଏକ ସେକ୍ସ ସ୍କାଣ୍ଡଲରେ ଫସି ଯାଇଥିଲେ । ସେଥିପାଇଁ ତାଙ୍କୁ ଦୁଇ ମାସ ପର୍ଯ୍ୟନ୍ତ ରେସ୍କ୍ୟୁ ହୋମରେ ରହିବାକୁ ପଡିଥିଲା । ପରେ ହାଇଦ୍ରାବାଦ ଶେସନ କୋର୍ଟ ପକ୍ଷରୁ ତାଙ୍କୁ କ୍ଲିନ ଚିଟ୍ ଦିଆ ଯାଇଥିଲେ । ଏହାପରେ ତାଙ୍କର କ୍ୟାରିୟର ଉପରେ ପ୍ରଭାବ ପଡିଥିଲା । ଏବଂ କୌଣସି ଫିଲ୍ମ କିମ୍ବା ସିରିଏଲରେ ଅଭିନୟ କରିବା ପାଇଁ ଅଫର ମିଳିନଥିଲା ।
