ମୁମ୍ବାଇ (ଏଟିଆର ବ୍ୟୁରୋ): ବଲିଉଡ ଅଭିନେତା ରଣଧୀର କପୁର ଏବଂ ଋଷି କପୁରଙ୍କ ଭାଇ ରାଜୀବ କପୁରଙ୍କର ପରଲୋକ ଘଟିଛି । ୫୮ ବର୍ଷ ବୟସରେ ହାର୍ଟ ଆର୍ଟାକ୍ ପାଇଁ ତାଙ୍କର ମୃତ୍ୟୁ ଘଟିଛି । ଆଜି ଅଚାନକ୍ ରାଜୀବ କପୁରଙ୍କୁ ତାଙ୍କ ଚେମ୍ବୁର ସ୍ଥିତ ବାସଭବନରେ ହାର୍ଟଆର୍ଟକ ଆସିଥିଲା । ଏହାପରେ ତାଙ୍କୁ ଘରୋଇ ହସ୍ପିଟାଲକୁ ନେଇଯାଇଥିଲେ ପରିବାର ସଦସ୍ୟ । କିନ୍ତୁ ଡାକ୍ତର ତାଙ୍କୁ ସେଠାରେ ମୃତ୍ୟୁ ଘୋଷଣା କରିଥିଲେ ।
ଗତବର୍ଷ କର୍କଟ ରୋଗରେ ଋଷି କପୁରଙ୍କ ପରଲୋକ ଘଟିଥିଲା । ପରିବାର ଲୋକେ ଏହି ଦୁଃଖକୁ ଭୁଲି ପାରିନଥିବା ବେଳେ ଏବେ ପୁଣି ପରିବାର ଉପରେ ଆଉ ଏକ ଦୁଃଖର ପାହାଡ ଛିଡି ପଡିଛି ।
ରାଜୀବ କପୁରଙ୍କ ମୃତ୍ୟୁ ଖବର ଋଷି କପୁରଙ୍କ ପତ୍ନୀ ନିତୁ କପୁର ଏକ ଫଟୋ ସେୟାର କରି ସୂଚନା ଦେଇଛନ୍ତି ।
ରାଜ୍ କପୁରଙ୍କ ପୁଅ ହେଉଛନ୍ତି ରାଜୀବ କପୁର । ରାଜ୍ କପୁରଙ୍କର 3ଟି ପୁଅ ଋଷି କପୁର, ରଣଧୀର କପୁର ଏବଂ ରାଜୀବ କପୁର ।
ରାଜୀବ କପୁର ବଲିଉଡରେ ଅଭିନେତା, ପ୍ରଯୋଜକ ଏବଂ ନିର୍ଦ୍ଦେଶକ ଭାବେ କାମ କରିଛନ୍ତି ।
