ରାଉରକେଲା,(ଏଟିଆର ବ୍ୟୁରୋ): ରାଉରକେଲା ପୁଲିସକୁ ବଡ଼ ସଫଳତା । ଗିରଫ ହେଲେ ମହିଳା ଡ୍ରଗ୍ସ ଡିଲର । ରାଉରକେଲା ପ୍ଲାଣ୍ଟ ସାଇଡ ପୁଲିସ ଅଚାନକ ଚଢ଼ାଉ କରି ନରିସା ଖାତୁନ ନାମ୍ନୀ ମହିଳାଙ୍କୁ ଗିରଫ କରିଛି । ତେବେ ଏହି ଘଟଣାରେ ଆହୁରି ୬ ଜଣ ଫେରାର ହୋଇଯାଇଥିବା ସୂଚନା ମିଳିଛି । ଖୁବ ଶୀଘ୍ର ସେମାନଙ୍କୁ ଗିରଫ କରାଯିବ ବୋଲି ପୁଲିସ ସୂଚନା ଦେଇଛି ।
ଗିରଫ ନରିସାଙ୍କଠୁ ପାଖାପାଖି ୨ଲକ୍ଷରୁ ଅଧିକ ଟଙ୍କାର ବ୍ରାଉନସୁଗର ସହ ନଗଦ ୧ଲକ୍ଷ ୩୬ହଜାର ଟଙ୍କା ଜବତ ହୋଇଛି । ଢ଼େରଦିନ ହେବ ନରିସା ଏହି ବେପାର କରି ଆସୁଥିଲେ । ଏଥିପାଇଁ ଏକ ନେଟୱାର୍କ ମଧ୍ୟ କାର୍ଯ୍ୟ କରୁଥିଲା । ଏନେଇ ଆଭାସ ମିଳିବା ପରେ ପୁଲିସ ପୂରା ନଜର ରଖିଥିଲା । ତେବେ ନେଟୱାର୍କର ଚେର କେତେବାଟ ଲମ୍ବିଛି ସେନେଇ ଅଧିକ ଖୋଳତାଡ ଚଳାଇଛି ପୁଲିସ ।
