ଭୁବନେଶ୍ୱର(ଏଟିଆର ବ୍ୟୁରୋ):ଦୈତ ନଗରୀର ନୂଆ କମିଶନର ଭାବେ ଦାୟିତ୍ୱ ନେବେ ସୈାମେନ୍ଦ୍ର ପ୍ରିୟଦର୍ଶୀ । କ୍ରାଇମବାଞ୍ଚଏଡିଜି ଭାବେ ସୈାମେନ୍ଦ୍ର ପ୍ରିୟଦର୍ଶୀଙ୍କୁ ନୂଆ ସିପି ଭାବେ ନିଯୁକ୍ତ ଦିଆଯାଇଛି । ସୈାମେନ୍ଦ୍ର ହେଉଛନ୍ତି ୧୯୯୫ ବ୍ୟାଚର ଆଇପିସିଏସ ଅଫିସର ।
ସୈାମେନ୍ଦ୍ର ଆଜିଠାରୁ କଟକ ଭୁବନେଶ୍ୱରର ନୂଆ କମିଶନର ଭାବେ କାର୍ଯ୍ୟ କରିବେ । ଏହି ନୂଆ ଦାୟିତ୍ୱ ମିଳିବ ପରେ ସୈାମେନ୍ଦ୍ର ନିଜର ପ୍ରତିକ୍ର୍ରିୟା ରଖି କହିଛନ୍ତି ସରକାର ଏତେ ବଡ ବିଶ୍ୱାସ ରଖି ଦାୟିତ୍ୱ ଦେଇଥିବାରୁ ମୁଁ ଏହି ଦାୟିତ୍ୱ ସମ୍ପାଦନ କରିବା ପାଇଁ ଆପ୍ରାଣ ଉଦ୍ୟମ କରିବି ।
ସୈାମେନ୍ଦ୍ର ନୂଆ ପୋଲିସ କମିଶନର ଭାବେ ନିଯୁକ୍ତି ହେବା ପରେ ସିପି ସୁଧାଂଶୁ ଷଡଙ୍ଗୀ ପଦ ଛାଡିଛନ୍ତି । ପୋଲିସ କମିଶନର ପଦରେ ରହି ତାଙ୍କୁ ଲୋକମାନଙ୍କର ସେବା କରିବାର ସୁଯୋଗ ମିଳିଥିବାରୁ ସେ ସରକାରଙ୍କୁ ଧନ୍ୟବାଦ ଜଣାଇଛନ୍ତି । ୧୯୯୦ ବ୍ୟାଚର ଆଇପିଏସ୍ ଅଫିସର ସୁଧାଂଶୁ ଷଡଙ୍ଗୀଙ୍କୁ ପୋଲିସ ଗୃହ ନିଗମର ସିଏମଡି ଭାବେ ନୂଆ ନିଯୁକ୍ତି ମିଳିଛି ।
