କେନ୍ଦୁଝର (ଏଟିଆର ବ୍ୟୁରୋ):କେନ୍ଦୁଝର ଜିଲ୍ଲା ଘସିପୁରା ଗାଁରେ ଥିବା ଡାକଘରେ ଏକ ପାର୍ସଲକୁ ନେଇ ଆତଙ୍କ ଖେଳିଯାଇଛି । ହଠାତ୍ ଏକ ପାର୍ସଲରୁ ଧୂଆଁ ବାହାରିଥିଲା । ଫଳରେ ଡାକକର୍ମଚାରୀ ଏହାକୁ ଦେଖି ଭୟରେ ଥର ହର ହୋଇପଡିଥିଲେ । ଏସଂପର୍କରେ ପୋଲିସ ଏବଂ ଦମକଳ ବାହିନୀ ଖବର ପାଇଲା ପରେ ଘଟଣା ସ୍ଥଳେ ପହଁଞ୍ଚି ତଦନ୍ତ ଆରମ୍ଭ କରିଦେଇଛନ୍ତି ।
ପୂର୍ବରୁ ଏକ ପାର୍ସଲ ବୋମା ଘଟଣା ସାରା ଓଡିଶାକୁ ସ୍ତବ୍ଧ କରି ରଖିଥିଲା । ଯାହା ଏପର୍ଯ୍ୟନ୍ତ ଲୋକମାନଙ୍କ ମନରୁ ନ ଲିଭୁଣୁ, ଆଉ ଏକ ଅଜଣା ପାର୍ସଲରୁ ଧୂଆଁ ବାହାରିବା ଘଟଣା ଚାରିଆଡେ ଚାଞ୍ଚଲ୍ୟ ସୃଷ୍ଟି କରିଛି । ସେଥିପାଇଁ ଏହି ପାର୍ସଲଟିକୁ ଏକ ଖାଲି ସ୍ଥାନରେ ରଖା ଯାଇଥିବା ନେଇ ସୂଚନା ମିଳିଛି ।
